sábado, 27 de abril de 2024
Nota de prensa de la Real Academia Galega (RAG):
A académica Margarita Ledo (Castro de Rei, 1951) é a gañadora da última edición do Premio Otero Pedrayo. A cineasta, catedrática de Comunicación Audiovisual da Universidade de Santiago de Compostela, é a primeira muller recoñecida con este galardón nos seus corenta anos de historia. A proposta, realizada pola Deputación de Pontevedra, encargada de convocar o premio este ano, foi aprobada por unanimidade.
"Hoxe é un día feliz para a Deputación de Pontevedra e para a cultura galega, porque por primeira vez se lle concede este premio a unha muller, por méritos máis que sobrados e pola súa capacidade de defensa do idioma e da cultura galega", salientou a presidenta do ente provincial, Carmela Silva, tras darse a coñecer a decisión do xurado.
No informe da súa proposta, a Deputación salienta a "traxectoria vital, profesional e intelectual" da académica, quen desenvolveu un "xornalismo comprometido e as primeiras investigacións sobre as relacións dos intelectuais portugueses e galegos". Margarita Ledo foi pioneira tamén, engade o texto, "nas investigacións e xéneros audiovisuais que non estaban desenvolvidos en Galicia", sempre tendo en conta a perspectiva de xénero en todos os seus traballos e intervencións públicas".
A cineasta é membro de número da Real Academia Galega desde o ano 2009 e ocupa precisamente a cadeira que no seu día foi de Ramón Otero Pedrayo. O galardón que leva o seu nome é convocado cada ano por unha das catro deputacións provinciais galegas co obxectivo de recoñecer as personalidades ou institucións que se caractericen pola difusión e o mantemento da cultura galega.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
