viernes, 26 de abril de 2024
Nota de prensa del Gabinete de Comunicación de En Marea:
Tras coñecer que o incremento das peaxes da autoestrada AP9 para o vindeiro ano 2018 será dun 3.81% (aínda maior que o 3.1% anunciado inicialmente e moi superior á media de incremento estatal), o vicevoceiro de En Marea Antón Sánchez cualificouno de atraco a man armada a miles de usuarios e usuarias da vía, legalizado a través do BOE.
O señor Feijóo debe esixirlle ao Ministerio de Fomento a conxelación das peaxes para os vindeiros anos, pois non nos valen as explicacións das herdanzas recibidas, declarou Sánchez que cuestionou o escaso peso político do presidente da Xunta en Madrid e instouno a explicarlle á cidadanía galega no seu tradicional discurso de Nadal por que o PP agasalla a AUDASA con máis millóns de beneficios á costa de galegos e galegas: Se o discurso vai ser o da herdanza recibida será mellor que o faga o día dos Santos Inocentes, porque sería tomar á xente por parva.
A actual situación da AP9 é para En Marea froito dunha responsabilidade compartida dos sucesivos gobernos de Aznar, Zapatero, e Rajoy que nunca cuestionaron os privilexios da empresa AUDASA. De feito, a ampliación da concesión en 2001 cando xa estaba amortizada e a fórmula de actualización anual dos prezos das peaxe pactada en 2002 foron ámbas baixo o mandato de Aznar e a a ampliación de Rande e a circunvalación de Santiago acarrearon por decisión do socialista José Blanco subas constantes durante 20 anos, semellante á decisión de Ana Pastor en 2013 de facer gratuíta a viaxe de volta entre Vigo e Pontevedra a cambio dunha evolución á alza dos prezos das peaxes. Non debemos esquecer que a privatización vergoñenta, unha vez saneada con diñeiro público, a prezo de amigo foi levada a cabo polo goberno de Aznar, con consecuencias que estamos aínda a pagar, lembrou Sánchez.
Decisións que favoreceron sucesivamente os intereses de Audasa mentres a empresa obtén uns beneficios que o vicevoceiro de En Marea cualificou deindecentes, en referencia aos 45 millóns de dividendos repartidos o ano pasado. Un de cada tres euros do que que pagamos en peaxes é repartido en dividendos entre os accionistas de Audasa, un negocio sin parangón outorgado por unha Administración pública que privatizou a prezo de amigo esta infraestrutura para que se forrasen durante anos e anos os accionistas de Audasa a costa do peto de todas as galegas e galegos, sinalou Antón Sánchez.
En Marea tamén destaca que a concesionaria da AP9 é a que recibe un maior número de reclamacións por parte dos seus usuarios e é tamén a que menos traballadores ten por quilómetro de autoestrada.
A deputada de En Marea, Alexandra Fernández, tamén presentou no Congreso unha batería de preguntas ao Ministro de Fomento para pedirlle explicacións por ter autorizado á concesionaria AUDASA a abusiva suba nos prezos das peaxes da AP-9 a partir de xaneiro de 2018 e durante un periodo de tres anos.
De verdade considera que é soportable que os galegos e as galegas teñan que pagar cada vez máis por unha autoestrada que está amortizada e que é a vía fundamental que vertebra todo o territorio?, pregúntalle a parlamentaria de En Marea ao titular de Fomento.
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
