Noticias

La cultura gallega conmemora el 70º aniversario de la publicación de Cómaros verdes, de Aquilino Iglesia Alvariño

Instituciones culturales como la Real Academia Galega (RAG) o la Consellería de Cultura participaron en la jornada de conmemoración de los 70 años de la publicación de "Cómaros verdes". Esta obra de Aquilino Iglesia Alvariño, que se imprimió en esta villa en 1947, pasó a la historia como la primera de relevancia salida del prelo en la Galicia de la posguerra en gallego.

Nota de prensa de la Real Academia Galega (RAG):

O presidente da Real Academia Galega, Víctor F. Freixanes, participou na inauguración do encontro, no que tamén interviñeron con cadansúa conferencia os académicos Xesús Alonso Montero e Henrique Monteagudo. Aquilino Iglesia Alvariño protagonizou o Día das Letras Galegas de 1986.

Víctor F. Freixanes salientou a figura de Aquilino Iglesia Alvariño e Cómaros verdes como "primeira pedra do rexurdir" da edición en galego despois da Guerra Civil. "En 1947 Vilagarcía de Arousa converteuse en referencia e primeira luz de esperanza do libro galego", expresou o presidente da RAG, que se referiu tamén á etapa na que o autor viviu nesta vila, onde foi profesor do colexión León XII, e recordou a figura de Severino González, o libreiro e editor de Celta, que publicou desde Vilagarcía o libro que cumpre 70 anos.

A concelleira de Cultura, Sonia Outón, subliñou que a xornada que se desenvolve hoxe pretende recordar tanto ao escritor como ao editor de Cómaros verdes e, por derivación, "a unha xeración de vilagarciáns que, nunha época ben difícil, foi quen de contribuír a forxar boa parte do que é o carácter desta cidade".

O programa, organizado polo Servizo de Normalización Lingüística do Concello de Vilagarcía, contou pola mañá coas conferencias dos académicos Xesús Alonso Montero e Henrique Monteagudo e o profesor da Universidade de Vigo Xosé Manuel Dasilva, quen abordou a transcendencia da publicación desta obra. "Tal importancia ciméntase, á parte do prestixio do autor e a calidade da obra, no feito de que Cómaros verdes supuxo que se abrise a porta á aparición de máis obras en galego e tamén a varias iniciativas editoriais centradas en libros na nosa lingua, como por exemplo a Colección Benito Soto", explica Xosé Manuel Dasilva, que tratou tamén as vicisitudes da obra diante da censura franquista, que decidiu o secuestro da tiraxe íntegra do libro por carecer de autorización oficial.

Henrique Monteagudo subliñou na mesma liña a importancia da aparición de Cómaros verdes no silencio do franquismo e analizou a posición de Aquilino Iglesia na construción do galego literario a partir da súa propia poesía, caracterizada por un galego "rural moi rico", e doutros traballos, como o seu discurso de ingreso na RAG en 1949 sobre a lingua dos poetas do norte de Lugo -entre eles Noriega Varela ou Leiras Pulpeiro-, ou a súa visión da lingua de Cabanillas. O sociolingüista repasou tamén os condicionamentos do galego no momento no que desenvolveu gran parte da obra do homenaxeado, prohibido en Galicia e apoiado desde a emigración, e episodios como a súa participación frustrada na Historia de Galiza dirixida por Otero Pedrayo e editada en Buenos Aires, onde non se chegou a publicar o capítulo que lle encargaran sobre a lingua galega.

Xesús Alonso Montero centrou a súa intervención na tradución que Aquilino Iglesia realizou en 1951 das Carmina de Horacio (as Odas) que el verteu ao galego como Canciós. "El era partidario dun galego moi comarcal e enxebre, non sempre no mellor sentido. Nesta tradución, como el di no prólogo, desviste a Horacio da súa toga e faino camiñar polas corredoiras galegas", resumiu.

A xornada continuará pola tarde no Salón García (rúa Rey Daviña, 14) coas achegas de Armando Requeixo (Centro Ramón Piñeiro), Luciano Rodríguez (Universidade da Coruña) e Patricia Arias Chachero (IES Fermín Bouza Brey).

Fotografía: Real Academia Galega (RAG)

R., 2017-11-29

Actualidad

Foto del resto de noticias (Frisia_SemanaGal_Cadrada.jpg) A cidade de Leeuwarden, Frisia (Holanda), Capital da Cultura Europea de 2018, acollerá a semana do galego cun amplo programa de actividades. Grazas a Afûk (a institución que promove a lingua e cultura frisia), á Mesa pola Normalización Lingüística e á Fundación Vía Galego coa colaboración da Deputación da Coruña, do Concello de Santiago de Compostela e do Concello de Pontevedra desde o 22 ao 29 de xullo o galego será o protagonista do Pavillón das Linguas. O proxecto Pavillón das linguas (Lân fan Taal) consiste en amosar a diversidade lingüística europea e a existencia de nacións que teñen máis dun idioma, sendo a lingua o elemento máis característico que lle confire identidade propia a unha comunidade de falantes.
Foto de la tercera plana (resurrection.jpg) Máis de 81.000 persoas de 42 países abarrotaron a pasada semana o Concello de Viveiro co Resurrection Fest, xerando uns 2.000 empregos directos e indirectos, e sen ocasionar ningún tipo de incidente durante os catro días que durou a cita. Así o avanzou este mércores, na localidade mariñá, o Deputado de Relacións Institucionais, Álvaro Santos Ramos, xunto á Alcaldesa de Viveiro, María Loureiro García, e o Director do Festival, Iván Méndez Rodríguez. Santos Ramos apuntou que “un ano máis podemos cualificar de éxito rotundo o Resurrection Fest, pois durante catro días 81.350 persoas de 42 nacionalidades diferentes participaron no que xa é o festival de música metal e rock máis importante de España, e un dos máis relevantes de Europa".

Notas

Son 94 imaxes que recollen outras tantas instantáneas do ceo nocturno da man “dun grupo de soñadores que, sendo sensibles ao instinto ancestral de mirarmos cara ao ceo, se lanzaron á procura da noite a rescatar ese tesouro apagado polo malgasto de luz artificial”. Salvador Bará Viñas e Jorge Mira Pérez, profesores do Departamento de Física Aplicada da USC e coordinadores do libro, presentan nestas liñas aos nove fotógrafos e fotógrafas que achegan o seu punto de vista nesta obra editada pola USC.
A obra 'A vida salvaxe', de Gonzalo Hermo, é a gañadora da décimo sexta edición do Premio de Poesía Afundación, un certame que veñen convocando Afundación, o Centro PEN Galicia e a Consellería de Cultura e Educación co obxectivo de favorecer a creación literaria en galego. Licenciado en Filoloxía Galega e doutor en Lingüística pola Universidade de Santiago de Compostela, Gonzalo Hermo é autor dos poemarios 'Crac' e 'Celebración', polo que foi recoñecido co Premio Nacional de Poesía Joven Miguel Hernández no ano 2015 e co Premio da Crítica de poesía galega en 2014.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania