sábado, 27 de abril de 2024
Nota de prensa de la Real Academia Galega (RAG):
O Pleno da Real Academia Galega proclamou a vacante da cadeira de número de Xohana Torres, finada o 12 de setembro, na sesión ordinaria celebrada o venres 6 de outubro. No mesmo encontro tamén se deu conta do pasamento de Nicandro Ares, membro correspondente da RAG falecido o 22 de xullo de 2017.
Tal e como fixa o regulamento da Academia, a vacante rexistrada polo pasamento da escritora Xohana Torres (Ferrol, 1931 - Vigo, 2017) proclamouse no primeiro Pleno ordinario tras a súa morte. A candidatura ou candidaturas para ocupar esta cadeira poderán presentarse, por escrito, ata 24 horas antes do vindeiro Pleno. Unha vez oficializada/s, procederase á votación na seguinte sesión ordinaria.
O Pleno tamén abordou na xuntanza do pasado venres o proxecto para a nova etapa que iniciará proximamente Cadernos de lingua, que seguirá baixo a responsabilidade dos académicos Manuel González González, como director, e Xosé Luís Regueira Fernández, como secretario. A revista, posta en marcha pola RAG en 1990 para promover a investigación científica sobre a lingua galega e divulgar aspectos lingüísticos de interese para as persoas expertas na materia e para a sociedade galega en xeral, reforzará a súa proxección a través da plataforma electrónica Open Journal System, que dá cada vez soporte a máis revistas científicas de todo o mundo. Aínda que a publicación será así fundamentalmente dixital, imprimiranse en papel un número reducido de exemplares de cada volume para atender os compromisos de intercambio con outras revistas.
Integrarán o consello de redacción quince académicos e académicas correspondentes e de número, mentres que o comité científico se ampliará e internacionalizará en maior medida contando con trinta e catro expertos e expertas das tres universidades galegas, doutras partes do Estado e de máis dunha ducia de países de Europa, América e Asia.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
