viernes, 26 de abril de 2024
Nota de prensa del Gabinete de Comunicación del BNG:
O BNG recreou a película Os luns ao sol de Barden e Tosar coa ría de Vigo ao fondo e realizando o mesmo traxecto en barco dende Vigo a Cangas. Na viaxe, a portavoz nacional do BNG, Ana Pontón escoitou, en primeira persoa, as experiencias de persoas afectadas pola precariedade e o desemprego e reclamou un Plan de choque para rematar cunha situación que segue creando dramas e desesperación na cidadanía.
Para a portavoz do BNG lembrar hoxe a película Os luns ao sol escoitando no barco dende Vigo a Cangas a tres persoas afectadas polo paro, é un acto simbólico pero cargado de realismo fronte a toda esa propaganda coa que o goberno pretende convencernos de que todo vai ben. Son os luns ao sol, dixo, pero para moitos miles de persoas tamén son os martes, os mércores e o resto da semana porque a súa realidade é a precariedade e por iso, neste 1 de Maio volveremos a pedir que se derroguen as reformas laborais do PP e do PSOE que tanto drama e sufrimento levan provocado.
Segundo os datos de desemprego, dixo a líder do BNG, no que levamos de 2017 hai 16.000 persoas máis desempregadas. A recuperación económica pode chegar aos que están no IBEX 35 pero non chegou aos cidadáns nin a Galiza. A nacionalista lembrou que o índice de pobreza severa afecta a 132.000 persoas no noso país e censurou o triunfalismo de Feijóo e Rajoy que pensan que todo vai ben. Seguen impoñendo un modelo social baseado na de desigualdade e precariedade que conducen a Galiza a máis paro, e emigración, censurou.
O Bloque, afirmou, aposta por un xiro radical da política económica e de dereitos laborais e preguntou como é posible que a pesar de que o PP non ten a maioría no goberno segan vixentes reformas laborais que nos roubaron tantos dereitos. En Galiza precisamos mellorar o desenvolvemento produtivo, xerar emprego e ofrecer condicións dignas á mocidade. Neste sentido lembrou que o BNG xa propuxo o Plan Retorna para que moitos dos mozos e mozas emigrados poidan regresar.
Si hoxe se volvera a facer a película Os luns ao sol, a realidade sería peor que hai 15 anos, concluíu Pontón.
María Luz Pérez Fernández, 55 anos , traballadora eventual en precario
A explotación non ten límites transmitiulle María Luz Pérez, traballadora da hostalería durante 20 anos á portavoz do BNG quen ademais denunciou os contratos por catro horas coa obriga de traballar oito ou 12 horas sen parar e gañando entre 700 e 800 euros. Nos temos vacacións e se decides reclamar os teus dereitos, como fixen eu, sabes que a resposta, o despedimento.
Clemente Pérez , 53 anos, parado de longa duración
Clemente contoulle a Ana Pontón que mañá cumprirá 54 anos e que leva no paro dende o ano 2010. Antes da crise, dixo, traballaba na construción pero con 53 anos as empresas non nos queren e o único que nos ofrecen son contratos por catro días. Separado e cunha filla á que debe pasar unha manutención confesa ter grandes dificultades para acabar o mes e a súa grande preocupación, o futuro da xente moza.
Xoán Carlos Rodríguez, enxeñeiro Técnico, 4 anos no paro
No ano 2011, este enxeñeiro técnico vigués quedou sen traballo e dende hai catro anos está no paro véndose obrigado a retornar á casa familiar ante a falta de ingresos. Tiven que voltar a vivir cos meus país para non ter que recorrer a un local social ou vivir na rúa. Neste momento as persoas de máis de 45 anos temos grandes problemas para acceder ao mercado laboral porque a pesar da formación, as empresas non ten ven como un traballador produtivo.
A portavoz do BNG escoitou as experiencias de María Luz, Clemente Pérez e Xoán Carlos Rodríguez das que dixo, son un claro exemplo dunha política laboral equivocada pola que reclamou un plan de choque para combater a precariedade no emprego.
No acto contra a precariedade laboral celebrado hoxe en Vigo a portavoz nacional do BNG estivo acompañada polo responsable local, Serafín Otero e o responsable comarcal, Manuel Caride.
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
