viernes, 26 de abril de 2024
Nota de prensa del Gabinete de Comunicación del PSdeG:
O responsable socialista presenta ao PP como un partido estremo, que nin é moderado nin é tolerante. Álvarez sinalou en particular á ampliación do concerto a seis anos tamén no que non é Primaria en Madrid ou Castela A Mancha é de catro-, nunha manobra dirixida, dixo, a salvagardar os concertos das próximas eleccións de 2020.
Acusou ao PP de buscar que se limite a restrición do gasto ao ensino público, demostrando que se trata da estrema dereita dende o punto de vista educativo e do gasto público. Explicou que a blindaxe dos concertos deixa aberta a posibilidade de limitar o profesorado e o número de unidades nos centros públicos, demostrando que non teñen a mínima intención de recuperar as condicións dos traballadores.
Explicou graficamente que mentres unha escola pública con dous módulos que reduza o número de alumnos a 25 o número estipulado por cada clase-, reduce o curso de inmediato a un só módulo, o que non pode pasar nun centro concertado. Aquel manterá os dous módulos ata o fin do concerto por moito que teña menos de 25 alumnos en total, xa que é o que especifica o contrato.
Luis Álvarez dixo ademais que a supresión da coeducación os centros que segregan por sexo- como baremo para conceder concertos representa unha involución no ensino público. Ademais, engadiu, converte o Plan de Actuacións en Igualdade asinado entre a Secretaría Xeral de Igualdade e a Consellería de Educación en papel mollado e destrúe a imaxe do PP como un partido moderado que nos queren vender.
Ademais intenta consagrar o principio de demanda estipulado pola agonizante Lomce, polo que a administración ten que responder se os pais e nais piden contar con centros concertados. Comparou este principio pola xestión sanitaria, e preguntou se poden imaxinar que a administración poña en marcha consultorios privados habendo PACs ou centros de saúde.
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
