viernes, 26 de abril de 2024
Nota de prensa del Gabinete de Comunicación del PSdeG:
O portavoz de Sanidade do Grupo Socialista, Julio Torrado, lamentou o veto do PP a unha iniciativa socialista para solicitarlle ás xerencias dos centros hospitalarios un informe dos episodios de saturación pola gripe e a dotación de recursos prevista. Tamén se opuxeron a elevar a dotación material e humana dos servizos de Urxencias.
O PP negouse así a aceptar unha proposición non de Lei presentada no Pleno do Parlamento, a pesares de que o parlamentario socialista solicitara votar por separado os diferentes apartados para evitar conflitos coa proposta de aumentar as contratacións de persoal na sanidade pública. Así o dixo antes de manter un encontro cos traballadores que se manifestaron diante do Parlamento para reclamar a reapertura das mesas de negociación cos traballadores públicos (achegamos imaxe).
Sinalou que nós pedimos datos cando o PP na oposición pedía a dimisión da conselleira de Sanidade en 2008 por un pico da gripe con índices e esperas moito menores, nunha intervención no que o daquela portavoz de Sanidade do PP censuraba unha suposta ineptitude e incapacidade. Puntualizou que o conselleiro non fixo ben o seu traballo, pero non o vou chamar incapaz e inepto nin pedir a súa dimisión.
Torrado puntualizou que non vimos aquí a pedir a destitución nin a chamar inepto a ninguén, senón para pedir datos dunha situación que revela un problema asistencial grave e que o PP e o goberno galego están a negar. Dixo que a situación explota en Urxencias pero é o reflexo do déficit de persoal, de recursos e dun problema de dotación de camas que deriva en saturacións das urxencias hospitalarias.
O responsable socialista acusou ao goberno galego de implementar estas medidas tarde, engadindo persoal despois do pico da gripe, e reclamou plans de continxencia para prever este tipo de situacións. Dixo que o goberno galego está a fiar a resolución destas crises ao traballo impagable do persoal sanitario ao prezo de correr o risco de queime profesional por sobreesforzo.
Replicoulle ademais ao PP, que sinalou o pico de gripe en Asturias, lembrando que o conselleiro daquela Comunidade Autónoma fixo unha rolda de prensa diaria para informar da crise, incorporou a tódolos médicos dispoñibles e garantiu que tódolos pacientes foran ingresados. Engadiu que a gripe non é culpa do PP, pero a previsión e a xestión da epidemia si que é responsabilidade de quen xestiona a sanidade.
Os socialistas galegos reclamaron esixirlle ás xerencias dos centros hospitalarios un informe dos episodios de saturación en cada centro, incluíndo as previsións realizadas, as dotacións de recursos e o reforzo aportado, así como unha avaliación do desenvolvemento da labor nos momentos de maior volume de pacientes.
Ademais, solicita elevar a dotación material e humana dos servizos de urxencias dos centros hospitalarios de Galicia, negociando cos colectivos profesionais e sindicais de cada centro hospitalario un plan de aumento de persoal progresivo apra os dous próximos anos.
Fotografía: Gabinete de Comunicación del PSdeG
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
