domingo, 19 de mayo de 2024
Nota de prensa del Gabinete de Comunicación de la Xunta de Galicia:
O Centro Galego de Artes da Imaxe (CGAI-Filmoteca de Galicia) súmase á conmemoración do 150º aniversario do nacemento de Ramón María del Valle-Inclán cun ciclo de oito filmes a través dos que se dá conta da irrupción do esperpento no cinema español. Búscase establecer, deste xeito, un paralelismo entre a transformación ética e estética de certo tipo de cine na posguerra e a levada a cabo no seu tempo polo impulsor do esperpento como xénero literario.
O historiador do cine José Luis Castro de Paz, comisario do ciclo, presenta a sesión coa que comeza o mércores 17 de novembro, ás 20.30 horas, na sede coruñesa do CGAI. Farao con dous filmes de Edgar Neville Verbena (1941) e La torre de los siete jorobados (1944) nos que se percibe xa o xermolo dunha corrente marcada tanto pola influencia de Valle-Inclán como polo seu contexto histórico.
Tras estes primeiros pases, o programa Máis aló da adaptación: a irrupción do esperpento no cine español proxectará o 1 de decembro Entierro de un funcionario en primavera (1958), de José María Zabalza, e El inquilino (1957), de José Antonio Nieves Conde, títulos que Castro de Paz enmarca nesta tendencia como fitos de excepcional importancia que son a miúdo desprezados pola crítica e a historiografía.
A penúltima xornada terá como fío condutor o decisivo papel que no esperpento cinematográfico xogou o guionista Rafael Azcona, en colaboración con grandes realizadores. É o caso de El pisito (1959), de Marco Ferreri, e Plácido (1961), de Luis García Berlanga, os dous filmes que poderán verse no CGAI o 20 de decembro.
Ambas películas poden situarse no cumio desta transformación cinematográfica xunto con El mundo sigue (1963), filmada por Fernando Fernán-Gómez e que se programará o 21 de decembro. Ese mesmo día exhibirase tamén Luces de bohemia (1985), a adaptación cinematográfica da coñecida obra teatral de Valle-Inclán dirixida por Miguel Ángel Díez.
Fotografía: Gabinete de Comunicación de la Xunta de Galicia
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
