domingo, 19 de mayo de 2024
Nota de prensa del Foro Económico de Galicia:
Galicia segue reducindo considerablemente a brecha de crecemento económico co resto de España. O PIB Galicia medra un 3% interanual ata xuño de 2016, fronte ao 3,2% de España. Así a todo, Galicia mantén unha elevada taxa de desemprego, que se sitúa no 17,7% da poboación activa e nun 43,7% no caso das mozas e mozos menores de 25 anos. O Informe de Conxuntura Socioeconómico de Galicia, unha completa análise trimestral sobre a evolución da Comunidade, presentouse no auditorio de Abanca en Santiago de Compostela. O estudio está coordinado por Fernando González Laxe e asinado por José Francisco Armesto Pina, Patricio Sánchez Fernández e Santiago Lago Peñas, investigadores económicos do Foro Económico de Galicia.
O traballo analiza que, aínda que a economía galega está avanzando e recuperando crecemento ao respecto da española, dende 2088 só se teñen recuperado 4,4 puntos dos 8,2 puntos de PIB perdido durante a crise e 1,6 puntos de emprego respecto dos 18,5 puntos perdidos entre 2008 e 2014.
A taxa de paro xuvenil galega, que acadou o peor dato en 2013 co 51,6% dos xoves parados, se sitúa aínda na mala cifra do 43,7% de parados.
Más información en: Informe de Coxuntura Económica III/2016
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
