sábado, 18 de mayo de 2024
Nota de prensa del Gabinete de Comunicación de la Xunta de Galicia:
A Consellería de Cultura, Educación e Ordenación Universitaria autoriza a impartición de nove títulos universitarios novos para o curso 2016-2017 nas tres universidades do Sistema Universitario Galego (SUG), tal como publica o DOG do mércores 13 de xullo ( enlace web http://www.xunta.gal/dog/Publicados/2016/20160713/AnuncioG0164-040716-0004_gl.html).
Impartiranse catro novos máster e un programa de doutoramento na Universidade da Coruña (UDC), outros tres máster na Universidade de Santiago de Compostela (UDC) e un grao na Universidade de Vigo (UVigo). Na Coruña as novas titulacións aprobadas para o próximo curso son os máster universitarios en Bioinformática para Ciencias da Saúde, en Eficiencia e Aproveitamento Enerxético, en Planificación e Xestión de Destinos e Produtos Turísticos, e en Políticas Sociais e Intervención Sociocomunitaria. Así mesmo, tamén na UDC, se impartirá o Programa de Doutoramento en Ciencias Sociais e do Comportamento.
Na Universidade de Santiago impartiranse por primeira vez no curso que comeza en setembro o máster Erasmus Mundus en Lexicografía, unha ensinanza que se oferta de forma conxunta con universidades de Alemaña, Hungría, República Sudafricana, Portugal, Italia, Francia e Polonia. Tamén na USC se oferta o máster en Xornalismo e Comunicación: Novas Tendencias en Produción, Xestión e Difusión do Coñecemento, e o máster universitario en Filosofía, Coñecemento e Cidadanía. Así mesmo, modifícase a denominación do título de Grao en Lingua e Literatura Modernas, que pasa a chamarse Grao en Linguas e Literaturas Modernas.
Pola súa banda, na Universidade de Vigo impartirase o novo grao en Enxeñaría Aeroespacial. Todas estas novas ensinanzas universitarias contan coa devandita verificación do Consejo de Universidades do Ministerio de Educación, Cultura y Deporte.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, o que supón un incremento de case un 3% respecto ao ano anterior. Estes datos enmárcanse no traballo conxunto desenvolvido nos últimos anos pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. Segundo os datos correspondentes ao ano 2023, en Galicia recuperáronse un total de 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de latas e outros envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
