Notas de prensa

Asínase un protocolo para a promoción de Galicia en Brasil a través das comunidades galegas de Río e Nierói

O secretario xeral da Emigración da Xunta de Galicia asiste tamén en Brasil ao 75 aniversario do Recreio dos Anciâos, senlleira institución asistencial para a colectividade galega, coa que asina un convenio de colaboración. A visita inclúe contactos institucionais para incrementar a capacidade de negocio para o sector galego.

O secretario xeral da Emigración, Antonio Rodríguez Miranda, inicia unha nova viaxe ao Brasil, na que, ademais de achegarse á realidade e actualidade das comunidades galegas, coñecerá en detalle as capacidades de negocio dos empresarios galegos do sector turístico en Brasil, e levará a cabo diversos contactos institucionais coas autoridades locais, ademais de asinar dous acordos en materia turística e asistencial, respectivamente.

Ademais de reunirse con empresarios galegos asentados en Río de Xaneiro do sector turístico, cun moi importante peso específico no país, Miranda presidirá a sinatura dun protocolo de colaboración para a promoción de Galicia, na principal cidade brasileira, entre a asociación que os agrupa, o Clúster Turismo de Galicia, e a Xunta.

No ámbito das comunidades galegas, o secretario xeral da Emigración visitará a Casa de España, tamén en Río, e manterá un encontro coas colectividades galega e española, e cos representantes do Consello de Residentes Españois na devandita localidade. Tamén visitará a Asociación ‘Recreio dos Anciâos’, que cumpre 75 anos, que está presidida pola galega Regina Jallas, e coa que a Secretaría Xeral da Emigración asinará un convenio de colaboración en materia socioasistencial.

Miranda reunirase asemade co conselleiro de Emprego e Seguridade Social da Embaixada de España, e coa nova cónsul xeral de España en Río. Tamén visitará nesta viaxe o Club Español de Niterói, entidade e localidade cunha importante presenza de galegos.

Gabinete de Comunicación da Xunta de Galicia, 2015-03-19

Actualidad

Foto del resto de noticias (Frisia_SemanaGal_Cadrada.jpg) A cidade de Leeuwarden, Frisia (Holanda), Capital da Cultura Europea de 2018, acollerá a semana do galego cun amplo programa de actividades. Grazas a Afûk (a institución que promove a lingua e cultura frisia), á Mesa pola Normalización Lingüística e á Fundación Vía Galego coa colaboración da Deputación da Coruña, do Concello de Santiago de Compostela e do Concello de Pontevedra desde o 22 ao 29 de xullo o galego será o protagonista do Pavillón das Linguas. O proxecto Pavillón das linguas (Lân fan Taal) consiste en amosar a diversidade lingüística europea e a existencia de nacións que teñen máis dun idioma, sendo a lingua o elemento máis característico que lle confire identidade propia a unha comunidade de falantes.
Foto de la tercera plana (resurrection.jpg) Máis de 81.000 persoas de 42 países abarrotaron a pasada semana o Concello de Viveiro co Resurrection Fest, xerando uns 2.000 empregos directos e indirectos, e sen ocasionar ningún tipo de incidente durante os catro días que durou a cita. Así o avanzou este mércores, na localidade mariñá, o Deputado de Relacións Institucionais, Álvaro Santos Ramos, xunto á Alcaldesa de Viveiro, María Loureiro García, e o Director do Festival, Iván Méndez Rodríguez. Santos Ramos apuntou que “un ano máis podemos cualificar de éxito rotundo o Resurrection Fest, pois durante catro días 81.350 persoas de 42 nacionalidades diferentes participaron no que xa é o festival de música metal e rock máis importante de España, e un dos máis relevantes de Europa".

Notas

Son 94 imaxes que recollen outras tantas instantáneas do ceo nocturno da man “dun grupo de soñadores que, sendo sensibles ao instinto ancestral de mirarmos cara ao ceo, se lanzaron á procura da noite a rescatar ese tesouro apagado polo malgasto de luz artificial”. Salvador Bará Viñas e Jorge Mira Pérez, profesores do Departamento de Física Aplicada da USC e coordinadores do libro, presentan nestas liñas aos nove fotógrafos e fotógrafas que achegan o seu punto de vista nesta obra editada pola USC.
A obra 'A vida salvaxe', de Gonzalo Hermo, é a gañadora da décimo sexta edición do Premio de Poesía Afundación, un certame que veñen convocando Afundación, o Centro PEN Galicia e a Consellería de Cultura e Educación co obxectivo de favorecer a creación literaria en galego. Licenciado en Filoloxía Galega e doutor en Lingüística pola Universidade de Santiago de Compostela, Gonzalo Hermo é autor dos poemarios 'Crac' e 'Celebración', polo que foi recoñecido co Premio Nacional de Poesía Joven Miguel Hernández no ano 2015 e co Premio da Crítica de poesía galega en 2014.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania