sábado, 27 de abril de 2024
O presidente do Goberno galego, Alberto Núñez Feijóo, constatou co novo ministro de Xustiza, Rafael Catalá, o compromiso de manter a actual organización da planta xudicial galega que queda -aseverou- nunha situación de seguridade e estabilidade. Con estas palabras, Feijóo fixo referencia así á reforma da Lei Orgánica do Poder xudicial, engadindo que os galegos manteremos as nosas infraestruturas de atención ao cidadán, a proximidade da Xustiza e dos seus xulgados.
Tras unha reunión co máximo responsable do Ministerio de Xustiza, Feijóo expresou o agradecemento da Comunidade por ser atendidos e entendidos desde o punto de vista da situación xeográfica e poboacional; e por poder trasladar a todos os galegos que van seguir mantendo unha Xustiza de proximidade e unha organización territorial conforme ao solicitado nos últimos meses.
Ademais da reforma xudicial, Feijóo e Catalá tiveron a oportunidade de falar sobre a xustiza gratuíta e as taxas xudiciais. Neste eido, e logo de lembrar que Galicia está a facilitar unha xustiza gratuíta a moitos cidadáns, mantendo unha excelente colaboración cos colexios de avogados e procuradores, o presidente autonómico expresou a coincidencia co ministro na importancia de manter ao día os pagamentos na xustiza gratuíta, e de ter unha relación directa e franca cos nosos interlocutores.
O presidente da Xunta destacou tamén o esforzo do Goberno galego no eido da modernización da Xustiza, especialmente no que a tecnoloxías ser refire. Así, mencionou a posta en marcha de varios proxectos co Ministerio, co obxectivo de empregar os servizos informáticos da Comunidade para implementar determinados programas en materia de xustiza e, desde aí, replicalos a outras comunidades. Confirmamos o noso interese en seguir colaborando e en seguir xunto co Ministerio desenvolvendo programas informáticos nos que, ao noso entender, se basea a modernización da Xustiza. É dicir, na diminución dos tempos na tramitación, aseverou, destacando a rapidez como un dos principios básicos da Xustiza, tanto á hora de atender os problemas dos cidadáns como na de toma de decisións.
Feijóo concluíu insistindo na satisfacción de que as demandas da Comunidade galega quedan resoltas e atendidas.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
