Notas de prensa

A mostra sobre o escritor Manuel Rodríguez López, no Museo do Pobo Galego

A mostra itinerante titulada Manuel Rodríguez López, emigrante galego, poeta obreiro, promovida por GaliciaDixital.com, exhíbese no Museo do Pobo Galego onde foi inaugurada coa presenza do secretario xeral de Cultura e do presidente da Real Academia Galega (RAG).

A Consellería de Cultura, Educación e Ordenación Universitaria apoia a posta en valor da figura e da obra do intelectual lucense Manuel Rodríguez López a través da súa colaboración cunha exposición itinerante que afonda na figura e na obra do escritor de Paradela. ‘Manuel Rodríguez López, emigrante galego, poeta obreiro’ é o título deste proxecto expositivo que se pode visitar desde hoxe no Museo do Pobo Galego, en Santiago de Compostela.

O acto de apertura da mostra contou coa participación do secretario xeral de Cultura, Anxo Lorenzo, quen salientou o talento de Manuel Rodríguez ao servizo da difusión da cultura e da identidade galegas. O responsable de Cultura cualificou o proxecto expositivo como “unha merecida homenaxe” ao intelectual lucense e ao seu legado, desde a perspectiva dun escritor que observa, que sente e que expresa o esencial da súa cultura.

No acto de inauguración tamén participaron, entre outros, o presidente da Real Academia Galega, Xesús Alonso Montero; o alcalde de Paradela, José Manuel Mato; a Concelleira de Xuventude e Normalización Lingüística de Santiago de Compostela, Rebeca Domínguez; a viúva do escritor, Irene López; e Antonio Giz, director de GaliciaDigital.

Promovida por GaliciaDigital e a familia do escritor, a exposición conta co apoio da Consellería de Cultura e Educación, do Concello de Paradela, do Concello de Lugo e da Deputación Provincial de Lugo e as Secretarías Xerais de Política Lingüística e Cultura da Xunta de Galicia. Ademais, para a súa exhibición na capital de Galicia, tamén colaboran o Concello de Santiago de Compostela e o Museo do Pobo Galego.

A mostra itinerante, conformada por oito paneis dobres nos que se expoñen de xeito gráfico anacos da vida e obra do escritor de Paradela, chega ao Museo do Pobo Galego despois de poder visitarse en Paradela, Lugo, Begonte, Sarria e Portomarín. A comezos do próximo mes de maio, a exposición viaxará a Cataluña, terra na que Manuel Rodríguez López escribiu a maior parte da súa obra.

A traxectoria do poeta

A vida do intelectual queda reflectida na publicación dun libro sobre a súa traxectoria, en cuxa edición colaborou a Consellería de Cultura e Educación, a través da Secretaría Xeral de Política Lingüística. Un documento que fai un percorrido pola historia deste emigrante que deixou un inmenso legado a través das súas obras poéticas ou en prosa, así como coa súa colaboración en diversos libros.

Rodríguez López sempre mostrou unha gran preocupación pola cultura e por Galicia, e durante a súa etapa vital en Cataluña desenvolveu un importante labor como cronista dos actos desenvolvidos na comunidade relacionados con Galicia.

Cómpre recordar que Manuel Rodríguez López viu recoñecido o seu traballo a través de diferentes e numerosos premios entre os que se atopan o de poesía Meigás e Trasgos de Sarria nos anos 19976 e 1980; o Xosé María Chao Ledo no III certame Literario de Vilalba, en 1977 e o primeiro premio do Certame Literario de Begonte en 1985, entre outros galardóns. Ademais foi nomeado fillo predilecto de Paradela o ano no que faleceu (1990) e Lucense do ano 1989.

Gabinete de Comunicación da Xunta de Galicia, 2014-04-09

Actualidad

Foto del resto de noticias (elecciones_papeletas.jpg) El secretario general del PSdeG, Gonzalo Caballero, defiende el nuevo reglamento aprobado por el comité federal del PSOE, que ha calificado como "razonable", y ha pedido "aprovecharlo" para que el partido tenga, "con la voz de la militancia y también de la dirección", "las mejores candidaturas posibles" para las elecciones municipales de 2019. Las "mareas locales" analizan estrategias y objetivos para afrontar estos comicios de proximidad como alternativa.
Foto de la tercera plana (nexos_2018_logo.jpg) La Ciudad de la Cultura analiza el sábado 24 de febrero en "Nexos" las claves de la explosión creativa en la banda diseñada y animación en Galicia. Contará con dos referentes de ambas disciplinas: Alberto Vázquez, con tres Premios Goya, y Manel Cráneo, Premio Nacional de Cómic. Los relatorios finalizan con un Combate de Dibujantes con Dani Xove como maestro de ceremonias y el paralelo Nexos Infantil.

Notas

Pontón critica as “campañas paternalistas” porque as mulleres “non queren ser o máis grande de Galiza, senón ter igualdade salarial”. Apoio total á folga de mulleres convocada pola CIG para o 8 de marzo con paros laborais de dúas horas nos centros de traballo. O BNG propón consensuar unha Lei galega pola igualdade salarial para poñer fin á discriminación.
Comeza no Paraninfo da Universidade o segundo ciclo de concertos Novos Talentos Musicais que, co organizado con Compostela Sound, se desenvolverá ata finais de marzo. Serán en total nove recitais interpretados por 23 promesas galegas da música e un cuarteto de clarinetistas. O ciclo remata o 24 de marzo cun concerto de piano e clarinetes.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania