sábado, 19 de septiembre de 2026
José Posada e Camilo Nogueira ven así recoñecido publicamente o seu compromiso co idioma galego, un compromiso que os levou a ser os primeiros parlamentarios que se expresaron en galego nas institucións europeas.
O nomeamento, agora refrendado polos asociados da AGAL, fora aprobado no pasado mes de novembro polo Conselho Directivo da asociación a proposta do seu presidente, Bernardo Penabade. Con esta iniciativa recoñécese publicamente o labor destes dous políticos que, desde organizacións diversas -Nogueira (BNG) e Posada (Coalición Galega)-, polo uso continuado do idioma galego na Eurocámara, en consonancia cos postulados defendidos pola AGAL.
Outros Membros de Honra
Desde que fora fundada en 1981, a AGAL nomeou Membros de Honra os académicos Ricardo Carvalho Calero e Jenaro Marinhas del Valle. Esa mesma distinción fora outorgada ao destacado poeta e investigador Ernesto Guerra da Cal e ao patriarca dos escritores galegos, o comediógrafo galego radicado en Buenos Aires Ricardo Flores.
Actualmente tamén goza desta distinción o profesor Higínio Martins, discípulo de Blanco Amor e actual docente de Língua e Literatura nas entidades galegas de Buenos Aires.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
