miércoles, 10 de junio de 2026
Constituída a Primeira Asociación Española de Mulleres Futbolistas
A Coruña; 26 de Abril de 2012
Comunícase o nacemento da Primeira Asociación Española de Mulleres Futbolista. Cunha estrutura de sindicato, preténdese servir de interlocutora fronte ás instancias deportivas e administrativas, no conxunto de reivindicacións que hoxe continúan, respecto de as grandes diferenzas que no noso país prodúcese entre o fútbol profesional masculino e a profesionalización do fútbol feminino.
O primeiro paso, e para o que xa se está a traballar, é a firma dun convenio con AFE (Asociación de Futbolistas Españois) , para traballar conjuntamente en accións que beneficien a xogadoras e xogadores. De feito o pasado día 23 de abril xa se produciu unha primeira reunión de traballo para analizar ese futuro convenio e as accións formativas e informativas a levar a cabo entre as xogadoras de fútbol do noso país.
Algúns dos temas tratados:
1.- Firma dun convenio de colaboración
2.- Constitución dunha comisión de traballo permanente AFE-AEJF
3.- Accións conxuntas ante as Administracións Públicas
4.- Proposta de traballo para constituír cadros formativos en xestión e en actividade deportiva no fútbol
5.- Traballar sobre propostas conxuntas de cara unha futura lei do deporte profesional no ámbito do fútbol.
Asistiron a devandita xuntanza por parte da Asociación:
Fe Robles. Presidenta
Isabel Guerrero. Vicepresidenta Asociación
Arturo Gutiérrez, Tesoreiro
María José López González, Secretaria Xeral e asesora xurídica
Alicia Fuentes Molina, Futbolista
Ao mesmo tempo, o día 16 de maio imos participar, como ponentes, nun Seminario no que estarán representados os máis importantes sindicatos e asociacións de deportistas de distintas disciplinas deportivas masculinas e femininas, no que poñeremos sobre a mesa algunhas das iniciativas e accións a levar a cabo.
A Xunta Directiva da Asociación está formada por:
Presidenta: Fe Robles Fernández, Membro da Comisión Muller e Deporte do COE,
Vicepresidenta: Isabel Guerrero, ex futbolista do Málaga
Secretaria Xeral: Mª José López, Avogada, Experta en Dereito deportivo.
Tesoreiro: Arturo Gutiérrez, Economista
Vocales:
Pilar Neira, Presidenta de MUDEGÁ (Mulleres Deportistas Galegas).Seleccionadora Galega de futbol Feminino. Adestradora Vitoria C.F.
http://www.mujeryfutbol.es/index.php/en
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
