miércoles, 18 de marzo de 2026
A Mesa pola Normalización Lingüística fai unha valoración moi positiva da primeira etapa da campaña O galego, sempre en conta, que ten como obxectivo introducir o galego nos bancos e nas caixas de aforros. Esta acción estase a desenvolver desde hai menos catro semanas e xa move nóminas valoradas en algo máis de sete millóns de euros anuais (uns 1.160 millóns de pesetas). Ademais, o Presidente da Mesa, Carlos Callón, salienta que aínda estamos nunha primeira fase da campaña, polo que sabemos que se van mover cantidades de diñeiro moi superiores.
Os máis de sete millóns de euros correspóndense coas nóminas das persoas que están dispostas a domiciliar os seus ingresos mensais nunha entidade bancaria que se comprometa a dar pasos importantes na súa galeguización. Esta carteira de clientes que está a reunir A Mesa entregarase á entidade ou entidades que se galeguicen e, posteriormente, será o banco ou caixa de aforros quen se poña en contacto con cada cliente e negociará o acordo definitivo. Noutra palabras, para que os bancos utilicen a nosa lingua, decidimos utilizar a súa linguaxe: a do diñeiro, indica Carlos Callón.
A Mesa está a facer palpábel a través desta campaña un dato que xa sinalaban diferentes estudos: que a nosa lingua é recibida positivamente por parte da clientela nas relacións comerciais e financeiras. Por exemplo, no estudo Publicidade e lingua galega, do Consello da Cultura Galega, indícase que unha ampla maioría da poboación vería con moi bos ollos que mesmo os bancos foráneos se anunciasen en galego.
O banco ou caixa de aforros ao que se lles ceda a carteira de clientes interesados no uso do galego ha de cumprir os seguintes requisitos:
- Ter ao dispor do público todo tipo de formularios en galego e en modelos monolingües.
- Ter en galego a rotulaxe interna da entidade.
- Desenvolver as campañas publicitarias, cando menos, en galego.
- Os caixeiros automáticos terán a opción de galego. Ademais, a opción de mudanza para outra lingua debe partir desde o galego.
- As páxinas web terán opción en galego, debendo tamén estabelecerse a opción de mudanza desde o galego.
- A correspondencia comercial farase en galego, salvo que o cliente solicite que se faga noutra lingua.
- A banca telefónica terá a opción da atención en galego.
A Mesa pola Normalización Lingüística olla esta iniciativa con optimismo, xa que as posibilidades de éxito vense incrementadas ao negociar con importantes partidas económicas.
A Xunta de Galiza tamén debe impulsar a galeguización da banca
Para alén do que é o esforzo dos particulares, A Mesa considera que a Xunta de Galiza tamén se debe implicar activamente na introdución do noso idioma neste sector estratéxico para a normalización da lingua.
Neste sentido, recorda que representantes da Mesa e dos sindicatos CCOO, CIG e UXT se reuniron co Director Xeral de Política Lingüística hai algúns meses para lle solicitar unha serie de medidas de galeguización do sector, sen recibir aínda resposta oficial ningunha.
Con esta decisión, procúrase ampliar a internacionalización, unha maior apertura á creatividade dixital coa irrupción das novas tecnoloxías e darlle pulo a súa descentralización dentro e fóra de Galicia. O obxectivo con esta renovación é impulsar estes eidos na actividade deste centro museístico, referente da arte contemporánea en Galicia e España, tras case once anos con Santiago Olmo á fronte da súa dirección. Como resultado do seu labor, o Centro Galego de Arte Contemporánea acadou en 2025 ser recoñecido como Insignia da cultura galega polo Observatorio da Cultura da Fundación Contemporánea, segundo os resultados do prestixioso informe elaborado coas valoracións de máis de 400 expertos e profesionais de toda España.
O presidente da Xunta informou de que 'Galicia vai liderar un val especializado en tecnoloxía cuántica no que participarán nove países europeos' e que contará cun investimento de 14,3 millóns de euros. Rueda lembrou que a comunidade 'está a posicionarse como referente europeo' neste eido e asegurou que o feito de que Galicia lidere un proxecto 'nunha materia con tanto futuro é un reflexo da boa saúde da I+G+i galega'. A Comisión Europea acaba de conceder un novo proxecto de cuántica polo que a nosa Comunidade vai liderar un val de innovación, é dicir, unha iniciativa de colaboración entre rexións que destacan pola súa capacidade neste ámbito e que, grazas a este val, van conectalas para facer novos desenvolvementos e incrementar a soberanía da UE.
