jueves, 9 de abril de 2026
Preséntase GV, o proxecto artístico do deseñador Gonzalo Vázquez a través do cal presenta unha arriscada proposta de vestiario e co que se consolida no actual paradigma da moda galega como un novo valor emerxente e emprendedor.
Estas arriscadas propostas para home e muller serán presentadas de maneira oficial coa apertura dun novo atelier de moda, o 11 de Febrero nun dos espazos culturais máis emblemáticos de Galicia, a Casa das Crechas en Santiago de Compostela. Este evento de presentación que lanzará GV ao público xeral contará con relevantes axentes artísticos e empresariais que se darán cita nun acto que contará coa actuación de Ugia Pedreira, reconocida cantante, escritora e compositora que ofrecerá un exclusivo recital con temas inéditos do seu repertorio.
GV é música e teatro. Xermolado no eido das artes escénicas e avalado polas figuras máis destacadas do panorama artístico galego, o traballo deste creador multidisciplinar xa foi protagonista destacado nos momentos máis importantes da cultura galega deseñando e creando o atrezo e vestiario das producións máis relevantes dos últimos tempos. Uxía Senlle, Nordestin@s, Guadi Galego, Marful,,
són só algúns dos nomes máis coñecidos desta nova xeración musical e teatral que está vivindo Galicia na actualidade, grazas a coidados traballos que mostran novas formas de entender a arte baseadas naexperimentación, a modernidade e os novos sons fusionados cós estándares máis tradicionais.
Arte, moda e vanguarda é a síntese coa que se define este proxecto. GV non é unha marca, é unha forma de mirar. A confección do vestiario GV convida ao público xeral a participar nun proceso creativo e artesanal que vai desde a elección do deseño até as probas finais, explica o artista Gonzalo Vázquez.
Sobre Gonzalo Vázquez
Gonzalo Vázquez (Vilaboa, Pontevedra, 1983) é a mente creadora do proxecto GV, unha proposta artística e de vestiario que ten a súa orixe nas artes escénicas e que agora se presenta para todos os públicos no atelier de moda que presentará este mes de febreiro. Formado en Filoloxía Galega (UVigo) e en Literatura Comparada (USC), e ampliando coñecementos na Accademia Albertina delle Belle Arti de Turín sobre literatura, performance e artes visuais, este novo talento ven de presentar as súas creacións, tanto en mostras individuais como colectivas, en Galicia, Italia e Barcelona. Obras que representan afusión da moda e a arte coa literatura, disciplinas sempre presentes na vida do artista. É por iso que GV foi seleccionado como un dos Novos Valores 2010polo Museo de Pontevedra coa peza Desexo Intransitivo.
O presidente da Xunta, Alfonso Rueda, anunciou hoxe a posta en marcha dun programa específico para reducir o abandono escolar centrado en varóns e na poboación inmigrante sen educación secundaria de segunda etapa, é dicir, que non contan con títulos superiores ao de ESO. O responsable do Executivo autonómico apuntou que a redución do abandono escolar é un 'importantísimo asunto de carácter estrutural no que a Xunta está embarcada hai tempo'. Aínda que indicou que 'imos polo bo camiño', lembrando que Galicia pechou 2025 cunha taxa do 10,4%, case tres puntos por debaixo da media estatal, sinalou que 'non podemos conformarnos nin moito menos'. Así, lembrou que a taxa de abandono educativo temperán é case o dobre nos homes (13,5%) ca nas mulleres (7,2%), polo que o Goberno galego está a intensificar as medidas especiais sobre eles.
O XIII Carballo Interplay desenvolverá do 16 ao 19 de abril un programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas RRSS, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos.
