Notas de prensa

Presentouse a primeira edición das obras completas de poesía de Manuel Rodríguez López

Antón Bao explicou que “a publicación do libro, grazas ao impulso do concello de Paradela e a colaboración da Área de Cultura, permitirá fixar a súa obra, para o coñecemento das xeracións presentes e futuras, dentro do noso sistema literario galego”.

Foi presentado no salón de actos da Deputación de Lugo o libro “Manuel Rodríguez López. Poesía completa”, coa presenza de Antón Bao, vicepresidente da Deputación, José Manuel Mato, alcalde de Paradela, Darío Xohán Cabana, coordinador do libro, e Xulio Xiz, colaborador, ademais da familia de Manuel Rodríguez López: Irene López e Santiago Rodríguez, viúva e fillo do poeta, e Carlos Rodríguez, neto, que interpretou dúas pezas co violín no acto desta mañá en homenaxe ao poeta de Paradela.

A obra “Manuel Rodríguez López. Poesía Completa”, que conta cun limiar de Darío Xohán Cabana, constitúe a primeira edición das obras completas do poeta. Na súa intervención, Antón Bao manifestou a satisfacción da Área de Cultura da Deputación por “presentar esta publicación dun autor lucense, xa que así estamos contribuíndo a que o seu traballo se visualice, a que a súa labor acabe repercutindo en beneficio da sociedade e da identidade dos lucenses”. Bao considerou que, aínda que todos os poetas son necesarios, “algúns como Manuel Rodríguez López son imprescindibles, e a publicación da súa poesía completa, grazas ao impulso do concello de Paradela e da colaboración da Área de Cultura, permitirá fixar a súa obra, para o coñecemento das xeracións presentes e futuras, dentro do noso sistema literario galego”.

O vicepresidente da Deputación, que nos seus primeiros anos como estudante de Filoloxía en Lugo, coincidiu con Manuel Rodríguez López na pensión que rexentaban os seus sogros, pais de Irene López, explicou que “as conversas con Manuel Rodríguez, nas que me falaba deste país, da súa lingua e da súa cultura, e me remitía aos clásicos gregos e latinos para que comprendera as relacións entre a nosa cultura propia e as culturas universais, marcaron a miña formación e desenvolvemento de xeito definitivo, polo que me sinto moi agradecido por poder contribuír a que esta obra competa vexa a luz”. Deu os parabéns á familia e colaboradores coa obra por “seguir traballando por este poeta, manter viva a súa memoria e facer que esta obra chegue ás nosas mans e ás das xeracións vindeiras”.

Manuel Rodríguez López (Paradela, 1934 – Lugo, 1990) demostrou ao longo da súa vida unha gran preocupación pola cultura galega e polo seu país.Obtivo numerosos premios literarias, entre os que destacan os primeiros premios de poesía Meigas e Trasgos de Sarria nos anos 1976 e 1980, o Premio Xosé Mª Chao Ledo no III Certame Literario de Vilalba, en 1977, o primeiro premio do Certame Literario de Begonte en 1985, e o primeiro premio Nós de Barcelona en 1980, entre outros. Manuel Rodríguez López foi colaborador en medios de comunicación de Galiza, Cataluña e Arxentina. Foi nomeado a título póstumo Fillo Predilecto de Paradela. A casa da cultura de Paradela leva o seu nome, así como o centro cultural do mesmo concello onde naceu.

Gabinete de Comunicación da Vicepresidencia Primeira da Deputación Provincial de Lugo, 2010-12-28

Actualidad

Foto del resto de noticias (rectorusc_sanidade_facenda.jpg) El proyecto básico del futuro complejo de Ciencias da Saúde de la capital gallega estará listo a finales de 2017, lo que implica que las obras podrían arrancar entre finales de 2018 o principios de 2019. La nueva facultad de Medicina también incluye a Enfermería y Odontología en el entorno del Hospital Gil Casares de Santiago de Compostela.
Foto de la tercera plana (salon_gourmet_1.jpg) Las consellerías del Medio Rural y del Mar apoyan las 48 empresas gallegas presentes en el espacio gallego dentro de este salón, que ocupa 654 metros cuadrados. El Salón Internacional de Gourmets, que se celebra en Madrid hasta el 27 de abril, da a conocer la riqueza y variedad de la despensa gallega del campo y del mar, y pone en valor internacionalmente los productos delicatessen.

Notas

En Marea considera “extravagante e anómalo” que sociedades da Operación Lezo como INDRA recibise no último ano contratos do Goberno galego por máis de 30 millóns de euros, moitos deles sen publicidade. Villares: “Que se revisen con lupa os millonarios contratos da Xunta con empresas investigadas por financiamento ilegal do PP”.
A delegada territorial, Marisol Díaz Mouteira, explicou que nesta nova edición constatarase como a feira de Turismo Termal máis importante a un lado e ao outro do océano Atlántico. O certame se desenvolverá a finais de setembro ou principios de outubro na localidade de Foz de Iguazú.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania