Notas de prensa

Inaugura a exposición permanente de instrumentos musicais do CENTRAD

Gómez Besteiro e Lara Méndez entregaron a Amancio Prada a zanfona que o cantautor deixou no CENTRAD para a súa posta a punto. O cantautor ofreceu ós asistentes unha demostración con este instrumento.

O Presidente da Deputación, José Ramón Gómez Besteiro, e a Vicepresidenta Segunda, Lara Méndez, inauguraron a exposición permanente de instrumentos musicais do Centro de Artesanía e Deseño, dependente do organismo provincial. Previamente, os dous mandatarios provinciais entregaron ó cantautor Amancio Prada a zanfona que o artista deixou no CENTRAD para a súa posta a punto.

No acto de inauguración, no que tamén participaron distintas personalidades do ámbito político e cultural de Lugo, entre elas o Alcalde da cidade, José López Orozco, o Deputado Delegado da Área de Cultura, Antonio Veiga, o Deputado e voceiro do Partido Popular, José González Barcia e o Subdelegado do Goberno, Jesús Otero, o Presidente da Deputación destacou a importancia da mostra que contén 402 pezas e que ademais é a única de Galicia catalogada e a única de Europa no apartado de réplica de instrumentos medievais.

En total máis dun cento de persoas asistiron a esta inauguración na que a Vicepresidenta Segunda, Lara Méndez, amosou a súa satisfacción por abrir ó público unha mostra de incalculable valor, na que tamén se poden atopar distintas réplicas dos instrumentos que figuran no Pórtico da Gloria da Catedral de Santiago de Compostela. Precisamente, a exposición contén un boceto do Pórtico realizado ó 50% do tamaño real, elemento que supón unha fonte de investigación para os artesáns musicais.

Gómez Besteiro e Lara Méndez agradeceron o labor dos profesionais que traballan no obradoiro de instrumentos musicais do CENTRAD ó tempo que brindaron o compromiso da institución para levar a cabo iniciativas que permitan consolidar o Centro de Artesanía e Deseño nun referente para os artesáns de Galicia.

Inaugurada a exposición, o segundo paso do organismo provincial é conseguir que a mostra sexa declarada pola Xunta de Galicia como Colección Visitable, proceso para os que xa se inciaron os trámites necesarios.

A posta a punto da zanfona

Amancio Prada deixou hai algúns meses a zanfona para que os artesáns do CENTRAD levasen a cabo a súa posta a punto. Hoxe, o Presidente e a Vicepresidenta Segunda da Deputación fixéronlle entrega do instrumento co que ó final da inauguración, xunto co mestre do obradoiro de instrumentos musicais e responsable técnico da colección, Luciano Pérez, agasallaron ós asistentes cunha pequena demostración da súa música interpretando o romance medieval de Don Gaiferos de Mormaltan, popularizado polo folclorista Faustino Santalices.

Gómez Besteiro e Lara Méndez agradecéronlle ó cantautor de Ponferrada a confianza depositada nos artesáns do Centro para levar a cabo os traballos de afinación do instrumento.

Rematados os actos de entrega da zanfona e da inauguración da mostra, o Presidente e a Vicepresidenta Segunda, acompañados das autoridades presentes e de distintas personalidades do eido cultural, realizaron unha visita pola exposición.

A museografía

A colección está formada por 402 pezas, das que máis da metade foron feitas por particulares, 95 de produción propia, 60 doazóns, 39 recuperadas da antiga sección de música do Museo provincial e outras dúas que foron adquiridas recentemente pola Deputación: unha gaita de Faustino Santalices e unha zanfona construída polos ex directores deste obradoiro Jesús Pérez e Antón Corral. A isto hai que engadirlle a doazón dunha trompa de boca aportada polo seu construtor, Oliverio Álvarez López.

A exposición artéllase en tres salas de xeito que os instrumentos están agrupados segundo os elementos acústicos e as súas características morfolóxicas: aireófonos, cordófonos, idiófonos e membranófonos. Deste xeito, na primeira sala, pódese atopar unha colección de trompas de boca e réplicas de instrumentos do s. XIII, ademais dunha copia das ménsulas do Pazo de Xelmírez de Santiago. Na segunda, un órgano da catedral e unha colección de gaitas. Finalmente, na terceira, consérvase un exemplar de Clave Español do século XVIII, así como varias réplicas dos instrumentos do Pórtico da Gloria da Catedral de Santiago.

Gabinete de Comunicación da Deputación Provincial de Lugo, 2008-03-14

Actualidad

Foto del resto de noticias (mariscadoras_ok.jpg) La responsable socialista de Pesca calificó de "auténtica chafallada" las explicaciones del Gobierno gallego, que señaló que el Plan Camgal se activaba "con una llamada al 112". Advirtió que los ayuntamientos afectados desconocen que medidas se pusieron en marcha y denuncia que "ni siquiera saben la quien tienen que llamar en el momento en que detecten la llegada de las cenizas a sus costas".
Foto de la tercera plana (ideas_para_producir_logo.jpg) La undécima edición de esta iniciativa se desarrolla en la capital gallega, Santiago de Compostela, con la asistencia de representantes de conocidas canales televisivos, productoras y distribuidoras. La primera jornada reunió la presentación sucesiva de 15 propuestas, 10 de ellas gallegas como el largometraje de ficción, Santa Isabel, o series de TV como Tres flores sin piedad.

Notas

O conselleiro de Cultura e Educación asinará un Memorando de Entendemento coa Asociación Nacional de Universidades e Institucións de Educación Superior mexicana (ANUIES). Reunirase con persoeiros do mundo educativo e cultural de América Latina. Así mesmo, apoiará a presenza de editores e autores galegos nun dos meirandes encontros editoriais do mundo.
Marilar Aleixandre é a gañadora do premio Raíña Lupa na súa úndecima edición. A escritora e académica de número fíxose con este galardón convocado pola área de Cultura da Deputación da Coruña coa novela A filla do minotauro, coa que se converte na primeira muller en ser recoñecida neste certame de literatura infantil e xuvenil.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania