Notas de prensa

Teo homenaxea ao ciclista Ezequiel Mosquera, quinto na Volta Ciclista a España

O alcalde entregoulle ó ciclista o libro 120 anos de ciclismo galego, co convencemento de que o seu nome apareza en próximas revisións da obra.

A corporación do concello de Teo felicitou ao ciclista Ezequiel Mosquera polos seus éxitos deportivos, e especialmente pola magnífica quinta posición obtida na clasificación xeral da Volta Ciclista a España nunha recepción oficial. Durante o acto, celebrado no Salón de Plenos do Concello o deportista saudou a todos os membros da corporación e asinou no libro de honra de Concello.

O alcalde Martiño Noriega, fíxolle entrega a Ezequiel dun libro chamado 120 anos de ciclismo galego “co convencemento de que o nome de Mosquera apareza en próximas revisións da obra”. O primeiro edil explicou “como durante a Volta nos emocionamos, nos ilusionamos, vibramos e sufrimos con Ezequiel”. O libro, de Xerardo González, está asinado polos portavoces de todos os grupos municipais.

O deportista, acompañado da súa familia e algúns amigos, agradeceu este recoñecemento por parte do seu concello. Ademáis recoñeceu sentirse “desbordado por todas as actividades posteriores ao remate da Volta”. Asimismo asegurou que o máis agradable “é o recoñecemento da xente de aquí, do teu concello”. Mosquera fixo entrega ó alcalde dun maillot do equipo Karpin Galicia asinado por él.

Ezequiel Mosquera naceu en Cacheiras o 19 de novembro de 1975. Comezou no ciclismo como profesional “tarde” segundo él mesmo recoñece. Debutou como profesional no equipo portugués Paredes Moveis no 1999. Desenvolveu parte da súa carreira como profesional en equipos portugueses, Paredes Moveis, Cantanhede e Boavista, ata que en 2005 se integra no Kaiku. No ano 2006 pasa a formar parte do equipo Comunidad Valenciana. Pero sen dúbida é no Karpin Galicia, este ano, onde colleita os seus maiores éxitos como ciclista profesional.

Do seu palmarés destaca o quinto posto na recente Volta Ciclista a España, gañar unha etapa da Volta á Rioja no 2005, facerse coa Clasica de Primavera de Portugal en 2002, e acadar o primeiro posto nunha etapa da Vuelta a Tierras de Santa María no 1999.

NotaA pesar da intensidade destes días, Ezequiel Mosquera, continúa enriba da bici. Este mediodía falábamos con él e comentaba que estaba “paseando na bici”. A partires de decembro voltará a adestrar “de cara a próxima tempada” explicaba. Entro outras anécdotas que nos contou destacaba que “o 2 de setembro foi a primeira vez que pasei por diante da miña casa como profesional”. O pasado 2 de setembro na segunda etapa da Volta ciclista a España, que trascurreu entre Allariz e tivo meta en Santiago, os corredores e o propio Ezequiel pasaron por diante da casa do ciclista en Cacheiras. E “seguramente este feito non volva a acontecer, non hai mais que pensar o tempo que facía que a Volta non pasaba por Galicia” explicaba Ezequiel. Tamén recordou con emoción “o que me tiñan preparado ese día 2 de setembro os amigos e a familia”.

Cruz Devesa (Departamento de Comunicación do Concello de Teo), 2007-10-02

Actualidad

Foto del resto de noticias (agro-tractor.jpg) A conselleira do Medio Rural, María José Gómez, reclamou en Bruxelas 'financiamento suficiente, estabilidade e seguridade' para a nova PAC. Foi durante a súa intervención no evento da Coalición Agriregions, no Comité Europeo das Rexións, no que estivo acompañada polo director xeral da PAC e do Control da Cadea Alimentaria, Juan José Cerviño. Na organización da xornada tomou parte a Fundación Galicia Europa, que prestou apoio técnico á delegación galega na capital comunitaria para participar nesta reunión conxunta con membros do Parlamento Europeo e do devandito Comité das Rexións.
Foto de la tercera plana (festival.jpg) O ciclo 'Primeira Fila' fomentará a visibilidade de novos talentos musicais, impulsado pola Fábrica de Chocolate co obxectivo de apoiar a proxección de artistas e bandas e facilitar o seu encontro co público nas salas de concertos de Galicia. O ciclo, que arrincou en maio e xa percorreu as salas de Melide e Santiago de Compostela, continuará en xaneiro con sete novas propostas. A actividade retomarase o 21 de xaneiro en La Conservera, (Viveiro), con 9Louro e Monoulious DOP. No mesmo espazo actuarán Eladio y los Seres Queridos e Capital Voskov, o 13 de febreiro, así como Marisa Valle Roso, o día 20. O 20 de febreiro Taïn ofrecerá un concerto na Sala Jagger, en Lugo, mentres que Santi Araújo estará o 27 de febreiro na Sala Arca de Noé, en Vilar de Santos.

Notas

A sexta edición de Ultrafast Science and Technology Spain 2026 botou a andar este mércores 18 na USC. O foro que se estende ata o venres 20 reúne persoal investigador e empresas cuxas áreas de desenvolvemento, innovación e investigación atópanse vinculadas ao ámbito dos láseres ultrarrápidos e ás súas aplicacións na Física, a Química, a Medicina ou a Ciencia dos Materiais.
Conformado por seis estudantes de Belas Artes e unha alumna de Comunicación, o colectivo Recanto asumiu neste curso a coordinación da Sala O Abrigo, onde nestas semanas preséntanse tamén como artistas a través da mostra colectiva 'Dentro dun espazo maior'. Articulada arredor do significado da súa propia denominación, esta exposición levounos a construír o seu propio 'recanto' dentro deste espazo da Facultade de Belas Artes da UVigo.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES