sábado, 13 de junio de 2026
O Salón Teatro de Santiago de Compostela acolle o venres 28 ás 21:00 horas a estrea da obra Noite de Reis. Ou o que queirades, da man dun dos directores máis consagrados do panorama escénico
galego, Quico Cadaval, que se enfronta por primeira vez aorepertorio de Shakespeare. A montaxe, coa que a compañÃa pública inicia o seu plan de produción propia para a actual temporada escénica 2007-2008, combina un divertido xogo de enredos, contratempos, malentendidos, enganos e desenganos con apaixonantes historias de amor e desamor.
Rebeca Montero, MarÃa Bouzas, Xosé Manuel Olveira Pico e Marcos Orsi encabezan o elenco de 10 actores e actrices -Susana Dans, VÃctor Mosqueira, Xan Cejudo, Marcos Correa, Borja Fernández, Simone NegrÃn- e no que tamén participan os músicos Bernardo MartÃnez, Suso Alonso e Ramón Orencio.
Prestan ademais a súa colaboración artÃstica para a posta en escena Baltasar Patiño (espazo escénico e iluminación), Gilda Bonpresa (figurinos), Bernardo MartÃnez (espazo sonoro e dirección musical) e Dolores Centeno (maquillaxe). Como axudantes
de dirección exerceron Marta Lago e Rebeca Montero.
Noite de Reis foi unha das primeiras obras de Shakespeare, que se presume foi escrita entre 1599 e finais de 1601. Representouse ao comezo da Restauración mais non se imprimiu ata a súa inclusión no First Folio en 1623.
Trátase dunha comedia mediterránea sobre o amor e as tolemias e baballadas que este nos leva a facer. A acción comeza cando Sebastián e Violeta, irmáns xemelgos, naufragan ante a costa de Iliria. Violeta consegue chegar case sen vida á praia coa
axuda de Festas -bufón da corte do duque Orsino. Ela cre que Sebastián morreu. Vestida de home e facéndose pasar por un paxe novo co nome de Cesario, pasa a servir na corte do duque Orsino que está "poética, apaixonada e desesperadamente namorado" da aflixida Lady Olivia, que o rexeita continuamente. Orsino utiliza a Cesario como confidente e como mensaxeiro para declararlle o seu amor a Olivia pero Cesario - Violeta, en realidade- comeza a namorarse de Orsino mentres que Olivia, pola súa parte, se namora do mensaxeiro, que é Cesario. Namentres, Malvolio, servidor de Olivia, perseguirá o amor da súa ama e, a causa dunha confusión
amañada, crerase correspondido, producÃndose unha serie de situacións hilarantes que o levaran case a entolecer. Ao mesmo tempo, Antonio, capitán de barco, consegue rescatar do mar a Sebastián. Ambos desembarcan en Iliria. A presenza de
Sebastián na cidade será o comezo do fin do enredo. Os malentendidos e cruzamentos de parellas avivados por Festas, enganando a André (burgués que tamén pretende a Olivia) e burlando a Malvolio resolveranse finalmente.
Noite de Reis. Ou o que queirades ofrecerá en Santiago cinco funcións semanais, de mércores a domingo. Os mércores e xoves ás 11.00 horas desenvolveranse as funcións para institutos. As funcións para o público xeral terán lugar ás 20.30 horas os venres e sábados, e ás 18.00 horas os domingos. As entradas poranse á venda no despacho de billetes do Salón Teatro desde dúas horas antes do comezo do espectáculo. O prezo das localidades é de 10 € para os venres e os sábados, cun desconto do 40% para estudantes, usuarios de carné xoven e maiores de 65 anos, e de 5 € para o domingo, dÃa do espectador.
Tralas funcións en Compostela, o CDG iniciará unha xira con este espectáculo que se prolongará até o mes de xaneiro e durante a cal será escenificado en Ourense (Teatro Principal, 27 e 28 de outubro), Carballo (Pazo de Cultura, 31 de outubro), O Barco de
Valdeorras (Teatro Lauro Olmo, 9 de novembro), Ferrol (Teatro Jofre, 16 e 17 de novembro), Vigo (Centro Cultural Caixanova, 4 e 5 de decembro), Pontevedra (Pazo da Cultura, 21 de decembro), A Coruña (Teatro RosalÃa de Castro, 11 e 12 de xaneiro) e Narón (Auditorio Municipal, 18 e 19 de xaneiro). Coa programación do
CDG en cada un destes concellos botará a andar o proxecto “Espazos CDG”, baixo oque se organizarán actividades promocionais para o conxunto das artes escénicas.
Ademais destas funcións, están programadas outras dez máis para institutos nas cidades de Ourense, O Barco de Valdeorras, Ferrol, Pontevedra, A Coruña e Narón. Nesta liña,O CDG elaborou un dossier pedagóxico, escrito por Miguel Vázquez Freire (Gálix), para facilitarlles ao profesorado e alumnado o traballo na clase.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando asà ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, MarÃa MartÃnez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
