IA e creatividade no terceiro taller do ciclo HumanIA UDC
Ao redor de cen persoas participaron este mércores no terceiro taller de “HumanIA” da Universidade da Coruña, ciclo formativo organizado polo Consello Social e a Facultade de Humanidades e Documentación, en colaboración co CITIC da UDC. A experta en tecnomarketing, innovación e branding, Ruth Falquina, impartiu o taller que levou por tÃtulo “Intelixencia artificial e Creatividade: como potenciar o teu talento”, no que compartiu cos asistentes a súa experiencia á fronte dunha axencia especializada en creatividade aumentada, Estado Latente.
Ao acto asistiron tamén Antonio Abril AbadÃn, presidente do Consello Social da Universidade da Coruña; Manuel F. González Penedo, director do CITIC; Jesús Expósito, director técnico do Consello Social da UDC, e Manuela del Pilar Santos Pita, decana da Facultade de Humanidades e Documentación do Campus Industrial de Ferrol.
Este obradoiro de HumanIA UDC profundou nos aspectos máis relevantes da cocreación humano-máquina máquina-humano a través dunha serie de ferramentas e aplicacións que están a resultar moi útiles a artistas e outras profesións con inquietudes creativas. A experta pretedeu que os asistentes experimentasen de maneira práctica, a través do uso dos seus propios computadores na sala, as disciplinas e tecnoloxÃas que están dispoñibles para aplicarse ao branding e á industria das ideas. Por iso dirixiu este taller a creadores, estrategas, artistas, publicistas, consultores, pemes e calquera profesional ou estudante con interese por desenvolverse no ámbito creativo.
HumanIA UDC
O taller enmárcase no ciclo formativo ‘HumanIA UDC: o desafÃo para as Humanidades en tempos da Intelixencia artificialÂ’, lanzado no pasado mes de setembro, e que ten como obxectivo mostrar o impacto e potencia da Intelixencia artificial nos estudos e nos postos de traballo relacionados coas Humanidades.
Ata o momento, máis de 400 asistentes participaron nos diversos talleres, nos que se abordaron tamén a regulación da Intelixencia Artificial e casos de uso no mercado laboral de Chat GPT e outras aplicacións.
Universidade da Coruña (UDC), 2024-03-14
Actualidad
Máis de 3.000 alumnos e alumnas, tras ler as obras finalistas, emitiron as súas valoracións para escoller as obras gañadoras das sete categorÃas. Os tÃtulos seleccionados na categorÃa Infantil foron Caderno de cores e cancións, de MagÃn Blanco e Sonia GarcÃa, como ilustradora, e está editado por Galaxia. Na de primeiro e segundo curso de Educación primaria foi distinguido Violeta parapluie e outras historias de xente pouco corrente de Ramón D. Veiga, publicada por Edicións Embora. Na segunda categorÃa distinguiuse A pulga espacial de Xabier DomÃnguez e Alba de Evan.
A Xunta publica a consulta previa para unha nova Lei de servizos dos medios públicos de comunicación audiovisual de Galicia para a sociedade dixital, que se adecúe á normativa europea e á realidade que trouxeron consigo os cambios tecnolóxicos dos últimos anos. As modificacións introducidas pola Directiva comunitaria 2018/1808, polo Regulamento comunitario 2024/1083 e pola recente Lei 13/2022 xeral de comunicación audiovisual, xunto cos avances tecnolóxicos, obrigan a reconsiderar o vixente texto legal.
Notas
O próximo dÃa 8 de maio terá lugar no XardÃn das Pedras que falan (xardÃn traseiro do Colexio de Fonseca), ás 20.00 horas e con entrada libre, a segunda edición do MilongUSC. Nesta ocasión, contará coa participación dos alumnos do curso de Danza-tango 23/24 da USC que, baixo as ensinanzas dos profesores Chusa Pérez de Vallejo e Ezequiel Merlo, amosarán o aprendido neste curso.
A Facultade de Educación e Traballo Social do campus de Ourense acolleu a xornada 'Inclusión e deporte. O deporte como clave para intervir socialmente'. Nela reivindicouse o papel da educación social no deporte, convidando a egresadas deste centro, educadoras sociais, a expor boas prácticas desenvolvidas neste eido en diferentes entidades da cidade.