lunes, 13 de mayo de 2024
Unha trintena de estudantes, titulados e profesionais da arqueoloxÃa formaranse ao longo desta semana no estudo das construcións históricas dende unha perspectiva interdisciplinar. Esta ten como eixe a arqueoloxÃa da arquitectura, o estudo deste tipo de edificacións tendo en conta tanto o que hai baixo a terra como os elementos construtivos e decorativos, combinada á súa vez con técnicas e disciplinas como a historia da arte, a documentación xeométrica ou as tecnoloxÃas xeoespaciais.
Inserido na programación de extensión universitaria da VicerreitorÃa do campus e promovido coa colaboración da Universidade do Minho, a Deputación Provincial, o Museo de Pontevedra e a empresa A Citania ArqueoloxÃa e Xestión do Patrimonio, o curso O estudo interdisciplinar das construcións históricas ten como directores ao profesor do Departamento de Arte, Historia e XeografÃa da UVigo Victoriano Nodar e á investigadora da Universidade do Minho Rebeca Blanco Rotea. Ambos foron os responsables de inaugurar este luns, xunto co responsable da intervención arqueolóxica, Rafael RodrÃguez, un curso que parte da “oportunidade incrible”, como sinalou Nodar, de poder levarse a cabo o propio espazo "obxecto de estudo”. AsÃ, ao longo desta semana, combinaranse as sesións teóricas na igrexa do convento, cunha serie de prácticas no claustro, que permitirán ao alumnado “facer de novo o mesmo percorrido” realizado polo “equipo interdisciplinar que estivo traballando no edificio antes da súa restauración”, como engadiu Blanco. Deste xeito, esta formación busca formar profesionalmente ao alumnado “na investigación e xestión do patrimonio construÃdo”, un campo, como lembrou Nodar, moi demandado actualmente nos proxectos de restauración e rehabilitación.
No marco deste curso, Santa Clara acolle esta tarde unha conferencia aberta ao público sobre arqueoloxÃa da arquitectura, a cargo do catedrático da Universidade do PaÃs Vasco (UPV/EHU) AgustÃn Azkárate. Tras trece leccións teóricas e seis clases prácticas, o curso celebrará este venres, ás 13.30 horas, o seu acto de clausura, no que está prevista a participación do vicepresidente da Deputación Rafael DomÃnguez, da vicerreitora do campus, Eva MarÃa Lantarón, e dunha representante da Universidade do Minho.
Tivo lugar unha xornada de debate organizada pola Fundación Galicia Europa (FGE) no marco da celebración do DÃa de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanÃa galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
A Cidade da Cultura de Galicia reivindica na exposición 'Outras historias posibles' a obra de seis artistas contemporáneas vinculadas a Galicia que despuntaron nos anos 80 do pasado século. A mostra, que abrirá a súas portas no Museo Centro Gaiás da Cidade da Cultura a finais deste mes de maio, reúne unha ampla escolma dos traballos de Ana GarcÃa Pan, Emilia Guimeráns, Anne Heyvaert, Tusi Sandoval, Blanca Silva e Laura Terré co obxectivo de celebrar o seu talento e contextualizar a súa obra, atendendo tanto ás influencias do contexto histórico como aos eventos da vida privada que determinaron o seu devir artÃstico.
