domingo, 12 de mayo de 2024
O pasado luns ás 19:30 horas, o Centro Internacional de Prensa de Galicia acolleu un acto titulado «A defensa dos medios públicos e o pluralismo. Un dereito cidadán», que estivo presentado polo presidente da Asociación de Periodistas de Santiago de Compostela, Luis Menéndez, e que contou coa intervención de Pedro Soler Rojas e Paco Audije, fundadores de Teledetodos.
Pedro Soler, xornalista, consultor e formador en competencias dixitais e comunicación, con experiencia relacionada coa radio e a televisión, definiu, ao comezo da súa intervención, aos medios de comunicación público como «un piar esencial da democracia». Aproveitou tamén para criticar que os medios «caeron na trampa de ceder á tentación das audiencias».
Pola súa parte, Paco Audije, xornalista especializado en información internacional no EFJ Broadcating expert group, fixo fincapé no seu discurso á financiación dos medios públicos, comparándoas co resto de paÃses europeos e co panorama internacional en xeral.
Tivo lugar unha xornada de debate organizada pola Fundación Galicia Europa (FGE) no marco da celebración do DÃa de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanÃa galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
A Cidade da Cultura de Galicia reivindica na exposición 'Outras historias posibles' a obra de seis artistas contemporáneas vinculadas a Galicia que despuntaron nos anos 80 do pasado século. A mostra, que abrirá a súas portas no Museo Centro Gaiás da Cidade da Cultura a finais deste mes de maio, reúne unha ampla escolma dos traballos de Ana GarcÃa Pan, Emilia Guimeráns, Anne Heyvaert, Tusi Sandoval, Blanca Silva e Laura Terré co obxectivo de celebrar o seu talento e contextualizar a súa obra, atendendo tanto ás influencias do contexto histórico como aos eventos da vida privada que determinaron o seu devir artÃstico.
