domingo, 12 de mayo de 2024
Este ano subirán ao Escenario Vibra Mahou: Lori Meyers, La Casa Azul, Sidecars, Sidonie, Carlangas, Delaporte, Moura, Hickeys, Berta Franklin, Tangerine Sistas, Ocho y Medio DjÂ’s e os DJ Akkan. O sábado pola mañá as actuacións da Banda de Música de Vilalba e Los Malinches trasládanse á Praza da Constitución, mentres que o domingo terá lugar a actuación infantil de A Gramola Gominola no mesmo espazo. Todos os concertos situados no Escenario Emerxente serán gratuÃtos e os horarios da programación musical pódense consultar na páxina web e nas redes sociais do FIV.
Vilalba gozará durante a fin de semana das diversas actuacións que estarán repartidas entre os escenarios situados na Praza da Constitución -o Escenario Emerxente-, e no Campo da Feira -o Escenario Vibra Mahou-, albergando este ano un aforo para 5.000 persoas. Tamén se realizarán unha serie de actividades paralelas ao longo dos tres dÃas de festival na Casa da Cultura. A gravación do podcast Café Derby 21, un coloquio sobre a evolución dos medios musicais e a presentación do libro infantil “Isto é rock!”, do xornalista cultural Javier Becerra. O aforo é limitado e, para estas dúas últimas actividades, o acceso é libre por orde de inscrición a través da páxina web do festival.
Esta iniciativa municipal supón para a localidade unha inxección importante en canto á revitalización económica; pois o seu desenvolvemento tradúcese en emprego, promoción da localidade, e atracción do turismo. Ademais, este ano volverá reactivarse a campaña #EuSonFIV, na que comercio e hostalerÃa ofrecerán diferentes descontos na vila a todos aqueles clientes que acrediten ser público do festival (mediante a pulseira oficial do FIV 2023).
O festival conta co apoio de Vibra Mahou, a plataforma de música de Mahou Cinco Estrellas que impulsa os encontros en torno ao directo. A Deputación de Lugo, Grupo Entrepinares, Petroni e Gadis tamén forman parte dos patrocinadores oficiais do FIV 2023, que continúan apostando por este formato.
Os abonos continúan á venda a un prezo de 45€ (+g.x.) tras esgotarse os tres primeiros tramos, asà como os billetes de autobús para o servizo especial de transporte que, por primeira vez, levará de volta ao público ás cidades da Coruña e Lugo ao finalizar os concertos principais. Os tickets pódense adquirir a través da web https://fivdevilalba.com.
Asà mesmo, aÃnda quedan prazas dispoñibles para a zona de acampada ao aire libre. O recinto escollido é o campo de fútbol Estadio Roca e as prazas son limitadas. As reservas estarán dispoñibles a través da páxina web ata o 16 de abril ou esgotarse o número máximo de parcelas.
Tivo lugar unha xornada de debate organizada pola Fundación Galicia Europa (FGE) no marco da celebración do DÃa de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanÃa galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
A Cidade da Cultura de Galicia reivindica na exposición 'Outras historias posibles' a obra de seis artistas contemporáneas vinculadas a Galicia que despuntaron nos anos 80 do pasado século. A mostra, que abrirá a súas portas no Museo Centro Gaiás da Cidade da Cultura a finais deste mes de maio, reúne unha ampla escolma dos traballos de Ana GarcÃa Pan, Emilia Guimeráns, Anne Heyvaert, Tusi Sandoval, Blanca Silva e Laura Terré co obxectivo de celebrar o seu talento e contextualizar a súa obra, atendendo tanto ás influencias do contexto histórico como aos eventos da vida privada que determinaron o seu devir artÃstico.
