Notas de prensa

A Eurorrexión Galicia-Norte de Portugal abre a consulta pública do Plan de Investimentos Conxuntos 2021-2027

A Agrupación Europea de Cooperación Territorial (AECT) da Eurorrexión Galicia-Norte de Portugal vén de publicar na súa web o documento do Plan de Investimentos Conxuntos 2021-2027 para a súa consulta pública. Estará accesible ata o 22 de xaneiro para que todos os axentes interesados poidan facer as súas achegas de cara á concreción dun documento final, que será aprobado no próximo plenario da Comunidade de Traballo Galicia-Norte de Portugal.

O Plan de Investimentos Conxuntos (PIC) é un documento que ten como obxectivo anticipar e priorizar iniciativas de proxectos de cooperación transfronteiriza para o próximo período orzamentario comunitario 2021-2027.

O PIC busca consolidar a capacidade de resiliencia da Eurorrexión, reforzando a confianza e coa vista posta en estar máis preparados para as distintas transicións que se aveciñan, como a dixital, ecolóxica, enerxética ou demográfica.

Neste marco, o documento establece unha serie de eixes e prioridades como a aposta pola innovación, a dixitalización e a internacionalización como instrumentos de creación de emprego de mellor calidade. Tamén pretende reforzar estruturas de investigación e transferencia de coñecemento; mellorar a conectividade das persoas, das mercadorías e dos servizos avanzados; e avanzar nunha estratexia de internacionalización e mellora da competitividade das empresas.

No ámbito do medio ambiente e a enerxía, propón promover a economía circular e o uso sustentable dos recursos naturais. Ademais, tamén inclúe a perspectiva demográfica nas políticas públicas e aposta pola afirmación dos dereitos sociais para limitar a vulnerabilidade e a desigualdade, con enfoque nas cuestións de xénero; ao mesmo tempo que incrementa a resiliencia fronte ás ameazas de saúde pública.

Eurorrexión Galicia-Norte de Portugal , 2020-12-27

Actualidad

Foto del resto de noticias (libros.jpg) Máis de 3.000 alumnos e alumnas, tras ler as obras finalistas, emitiron as súas valoracións para escoller as obras gañadoras das sete categorías. Os títulos seleccionados na categoría Infantil foron Caderno de cores e cancións, de Magín Blanco e Sonia García, como ilustradora, e está editado por Galaxia. Na de primeiro e segundo curso de Educación primaria foi distinguido Violeta parapluie e outras historias de xente pouco corrente de Ramón D. Veiga, publicada por Edicións Embora. Na segunda categoría distinguiuse A pulga espacial de Xabier Domínguez e Alba de Evan.
Foto de la tercera plana (comunicacion.jpg) A Xunta publica a consulta previa para unha nova Lei de servizos dos medios públicos de comunicación audiovisual de Galicia para a sociedade dixital, que se adecúe á normativa europea e á realidade que trouxeron consigo os cambios tecnolóxicos dos últimos anos. As modificacións introducidas pola Directiva comunitaria 2018/1808, polo Regulamento comunitario 2024/1083 e pola recente Lei 13/2022 xeral de comunicación audiovisual, xunto cos avances tecnolóxicos, obrigan a reconsiderar o vixente texto legal.

Notas

O próximo día 8 de maio terá lugar no Xardín das Pedras que falan (xardín traseiro do Colexio de Fonseca), ás 20.00 horas e con entrada libre, a segunda edición do MilongUSC. Nesta ocasión, contará coa participación dos alumnos do curso de Danza-tango 23/24 da USC que, baixo as ensinanzas dos profesores Chusa Pérez de Vallejo e Ezequiel Merlo, amosarán o aprendido neste curso.
A Facultade de Educación e Traballo Social do campus de Ourense acolleu a xornada 'Inclusión e deporte. O deporte como clave para intervir socialmente'. Nela reivindicouse o papel da educación social no deporte, convidando a egresadas deste centro, educadoras sociais, a expor boas prácticas desenvolvidas neste eido en diferentes entidades da cidade.
PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES