lunes, 6 de mayo de 2024
No marco desta visita, aproveitaron para coñecer os espazos que poñen en valor o patrimonio marítimo en Cádiz, como o Centro de Interpretación de Cetáceos de Tarifa, o Museo de Atún de Barbate e o espazo expositivo da lonxa de Barbate. Así mesmo, explicaron os obxectivos de REMA, as vantaxes de pertenza a esta rede e expuxeron os avances realizados ata o momento.
Unha rede museística en crecemento
A Rede de Espazos Museísticos Atlánticos forma parte de Morada Atlántica, un proxecto de cooperación promovido polos oito Grupos de Acción Local do Sector Pesqueiro de Galicia. REMA pretende fortalecer os lazos de unión entre os espazos que divulgan a cultura e o patrimonio marítimo e fomentar o intercambio de coñecemento entre os mesmos. Neste momento o prazo de recepción de novas solicitudes de adhesión está aberto e pecharase o vindeiro 30 de xuño.
Na actualidade, REMA atópase constituída por quince espazos galegos e un museo portugués indubidablemente unidos á tradición mariñeira das localidades nas que se atopan: Arquivo da Pesca de Caión, Museo do Mar de Laxe, Museo Man de Camelle, Pozo do Cachón, Ecomuseo Forno do Forte, Museo da Pesca de Fisterra, Fábrica de Sel, Museo Marea Porto do Son, Acuario do Grove, Casa da Navegación de Baiona, Centro de Interpretación do Caldoval, Torre de Hércules, Museo ANFACO da Industria Conserveira, Museo de Historia Natural de Ferrol, Museo Mares de Cedeira e Museu Marítimo de Ílhavo.
O proxecto Morada Atlántica foi aprobado pola Consellería do Mar e está financiado a través do Fondo Europeo Marítimo e de Pesca (FEMP).
O presidente da Xunta, Alfonso Rueda, destacou que o Consello aprobou hoxe a Estratexia galega de Mobilidade, a folla de ruta a seguir ata 2050 para 'garantir uns desprazamentos máis sostibles, seguros e funcionais' que estará dotada de 420 millóns de euros para implantar 'un centenar de medidas'. A estratexia contén un plan de acción que implica as diferentes administracións públicas, a autonómica, a estatal e a local, para facilitar os desprazamentos das persoas e mercadorías, apoiar a competitividade do territorio e transformar os patróns de mobilidade. Preséntase como un instrumento para deseñar solucións que permitan transformar o actual modelo nun máis funcional, sustentable e seguro.
O presidente da Xunta, Alfonso Rueda, salientou hoxe que o Goberno galego xa adxudicou 985M de fondos do Mecanismo de recuperación e resiliencia (MRR) desde a posta en marcha do plan de recuperación. Así, o Executivo autonómico autorizou a publicación de convocatorias por importe de 1.097M e adxudicou o 90%, o que supón 'un grado de execución moi razoable', tal e como sinalou o titular da Administración. Segundo o informe analizado hoxe na reunión do Consello, na actualidade, a suma dos recursos do MRR asignados polo Goberno central á Administración galega ascenden a 1.545 M, o 5,8 % do distribuído entre as comunidades autónomas, o que supón menos recursos dos que corresponderían á comunidade por PIB per cápita.
