sábado, 11 de mayo de 2024
O presidente do Goberno galego, Alberto Núñez Feijóo, destacou o labor dos selos homenaxe a Santiago e ao Camiño como peregrinos que, igual que os peregrinos tradicionais, axudan a espallar a mensaxe fraterna que Galicia envÃa.
Durante o acto de presentación dos selos Patrimonio Mundial. Santiago de Compostela e Camiño Costeiro, Feijóo afirmou que o Camiño de Santiago e Correos teñen un común denominador: “Ambos comunican e constrúen Comunidade nunha teima tenaz que se remonta nos tempos”, dixo, recordando que desde 1937 a Fábrica Nacional de Moeda e Timbre edita un selo conmemorativo de cada ano santo compostelán. Un total de 69 selos que divulgaron por todo o mundo diferentes monumentos e lugares de Compostela e a Ruta Xacobea.
Nesta mesma liña, subliñou que a Xunta puxo en marcha no 2015 o Plan director do Camiño de Santiago que está orientado ao Xacobeo 2021, potenciando a internacionalización, con peregrinos dos cinco continentes, e a diversificación a través de todos os itinerarios que percorren Galicia.
Asà mesmo, lembrou que a comezos de ano se creou a Comisión organizadora do Xacobeo 2021; neste mesmo mes reuniuse, ademais, o pleno do Consello Xacobeo, no que se aprobou que Galicia presida o novo grupo de traballo creado para a promoción e difusión do ano santo; “e a finais de 2018 conmemoraremos o XXV aniversario da declaración pola Unesco do Camiño Francés como Patrimonio Mundial”, dixo, ao que engadiu o compromiso do Goberno central de outorgar bonificacións fiscais aos patrocinadores do Xacobeo durante tres anos.
Con máis da metade das actuacións do plan en marcha, o presidente do Goberno galego resaltou que, neste ano 2018, os traballos se centran no Camiño Portugués e no Camiño Portugués da Costa, coa construción dun novo albergue no casco vello de Vigo.
Ao longo da súa intervención, Feijóo quixo agradecer a atención e colaboración de Correos no feito xacobeo co que Galicia segue axudando a conformar o mundo; e que ademais ten unha forte repercusión nos concellos rurais. Non en van, segundo un estudo da Universidade de Santiago, cada peregrino supón o mesmo impacto económico que 2,3 turistas nacionais.
Por último, o presidente do Goberno galego resaltou que a Xunta e Correos están a traballar tamén nunha peregrinación singular que se iniciará en outono en Williamsburg, Estados Unidos, cunha exposición que percorrerá cinco cidades de América do Norte, incluÃndo Chicago e Nova York. Unha iniciativa que axudará a facer máis coñecidas as rutas xacobeas e a Galicia, que o ano pasado visitaron 17.000 peregrinos estadounidenses.
Tivo lugar unha xornada de debate organizada pola Fundación Galicia Europa (FGE) no marco da celebración do DÃa de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanÃa galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
A Cidade da Cultura de Galicia reivindica na exposición 'Outras historias posibles' a obra de seis artistas contemporáneas vinculadas a Galicia que despuntaron nos anos 80 do pasado século. A mostra, que abrirá a súas portas no Museo Centro Gaiás da Cidade da Cultura a finais deste mes de maio, reúne unha ampla escolma dos traballos de Ana GarcÃa Pan, Emilia Guimeráns, Anne Heyvaert, Tusi Sandoval, Blanca Silva e Laura Terré co obxectivo de celebrar o seu talento e contextualizar a súa obra, atendendo tanto ás influencias do contexto histórico como aos eventos da vida privada que determinaron o seu devir artÃstico.
