Notas de prensa

A xornalista Julia Otero gaña o XIV Premio José Couso de Liberdade de Prensa

A xornalista monfortina Julia Otero é a gañadora da XIV Edición do Premio José Couso de Liberdade de Prensa, organizada polo Colexio Profesional de Xornalistas de Galicia (CPXG) e o Club de Prensa de Ferrol. A premiada afirmou sentirse "abrumada e mandou "un recordo especial" á familia de Couso.

O acto contou coa participación de Xulia Díaz Sixto, presidenta do Club de Prensa de Ferrol, Francisco X. González Sarria, decano do Colexio de Xornalistas, Darío Janeiro, secretario do Premio José Couso, e Jorge Suárez Fernández, alcalde de Ferrol.

O alcalde de Ferrol, Jorge Suárez Fernández, abriu o acto destacando o feito de que o Premio José Couso de Liberdade de Prensa é un galardón "plural, democrático e aberto, expresión máxima da liberdade de prensa" no que as colexiadas e colexiados do CPXG e os socios e socias do Club de Prensa de Ferrol elixen a persoa ou organización gañadora.

Francisco X. González Sarria lembrou que o Premio Couso serve, ademais de para recoñecer a unha persoa ou organización destacada na defensa da liberdade de prensa, "para demandar un ano máis xustiza polo crime" do que foi víctima José Couso, un crime do que se fan xa 15 anos. González Sarria salientou tamén que este ano o fallo coincide "coa maioría de idade do Colexio de Xornalistas de Galicia, que elexía a súa primeira xunta de goberno hai 18 anos".

O decano do Colexio de Xornalistas destacou tamén que as candidaturas deste ano representan "catro alternativas que por diferentes motivos exemplifican plenamente o que un xornalista identifica como modelos no exercicio do noso oficio" e que "cecais por iso, poucas veces se ten producido unha votación con tanta igualdade entre os candidatos".

Pola súa banda, a presidenta do Club de Prensa de Ferrol, Xulia Díaz, sinalou que nestes momentos, coa aplicación da "Lei Mordaza", "está ameazada a liberdade de prensa". Reivindicou tamén que José Couso "foi asasinado, tal e como dictaminou a xustiza" e que o dereito á xustiza debera ser igual "para todos, tamén para Couso, independentemente do partido político que goberne".

Darío Janeiro, como secretario do premio, deu lectura á acta do fallo, asinada polo señor notario D. Héctor Pardo, do Ilustre Colexio Notarial de Galicia. Abertos os votos, e recontados polo notario, este levantou acta da repartición dos mesmos entre as catro candidaturas que optaban ao galardón. Como consecuencia deste escrutinio, resultou vencedora, con maioría suficiente e sen necesidade de voto de calidade do presidente do xurado, a candidatura de Julia Otero. Como cada ano, a candidatura gañadora foi elixida en votación aberta e secreta polos colexiados e colexiadas do CPXG e polos socios e socias do Club de Prensa.

A continuación, o decano do Colexio de Xornalistas contactou coa premiada, que afirmou sentirse "abrumada", posto que pensaba que "coas outras candidaturas que había non tiña ningunha esperanza". Julia Otero deu as grazas aos compañeiros e compañeiras de profesión polo premio e mandou "un recordo especial" á familia de Couso. Tamén confirmou a súa presenza na entrega do galardón, que se vai realizar o vindeiro 3 de maio en Ferrol.

Pechou o acto o alcalde de Ferrol expresando os seus parabéns pola eleccion dunha premiada "cunha traxectoria máis que contrastada" e recordando que "este premio sirve de acento para seguir pelexando para pedir xustiza". Suárez afirmou que "hai que reivindicar sempre o xornalismo e a dignificación desta profesión cunha situación tan precaria".

A premiada

Julia María Otero Pérez (Monforte de Lemos, 1959) chegou á radio de maneira casual e á idade de 17 anos, na emisora Radio Sabadell. Pasou por Radio Juventud e por Radio Miramar, ambas de Barcelona. A súa carreira en televisión se inicia paralelamente no 1987, aparecendo en varios programas nos seguintes anos, todos eles ligados a Televisión Española. En 1991 volve á radio, á Onda Cero con La Radio de Julia, ata que en 1999, a ONCE vende a emisora ao Grupo Telefónica que decide retirar o seu programa a pesar de ser líder de audiencia, o que causou bastante polémica dado que se atribuía a cuestións políticas.

Máis tarde volvería á televisión, a TV3 e a TVE. De xaneiro de 2006 a xullo de 2007 dirixiu e presentou Protagonistas no seu último tramo. Pero en setembro de 2007 volveu a Onda Cero e dende entón presenta e dirixe o programa Julia en la onda, combinándoo con algunhas aparicións en TVE e Antena 3. Ten recibido numerosos galardóns tanto polo seu traballo en radio como en televisión, entre eles catro Premios Ondas, dous Micrófonos de Ouro, un Antena de Ouro, dous TP de Ouro ou o Premio Ciutat de Badalona de Comunicación, que a sitúan como unha das xornalistas de maior recoñecemento na actualidade.

Julia Otero sumase así á lista de gañadores do Premio José Couso de Liberdade de Prensa. Ali Lmrabet (2005); Le Monde Diplomatique (2006); Jon Lee Anderson (2007); José Vidal – Beneyto (2008); Rosa María Calaf (2009); Daniel Anido e Rodolfo Irago (2010); WikiLeaks (2011); o Consejo de Informativos da RTVE (2012); Mónica García Prieto (2013), Ricardo García Vilanova, Javier Espinosa e Marc Marginedas (2014), Jordi Évole (2015), Miguel Ángel Aguilar (2016) e Xosé Hermida (2017) foron ata agora os galardoados coa estatuiña das ‘Ás Ceibes’.

O Colexio Profesional de Xornalistas de Galicia, creado pola Lei do Parlamento Galego 2/1999 do 24 de febreiro, e o Club de Prensa de Ferrol organizan o premio co obxectivo de recoñecer e difundir o traballo dunha persoa viva ou organización existente destacada na defensa da liberdade de prensa ou cunha salientable traxectoria profesional, libre e independente.

Colexio Profesional de Xornalistas de Galicia, 2018-04-13

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania