Notas de prensa

Premios Exceleite: o leite galego acadou o mellor prezo dos últimos tres anos medrando en graxa e proteína

Cos premios Exceleite a Xunta e o Laboratorio Interprofesional Galego de Análise do Leite recoñecen ás 20 mellores explotacións no ámbito hixiénico-sanitario. A conselleira do Medio Rural destacou que o lácteo da nosa comunidade se consolida como líder nacional, concentrando preto do 40% da produción e o 56% dos gandeiros.

A conselleira do Medio Rural, Ángeles Vázquez, destacou que o leite galego se vende na actualidade ao mellor prezo dos últimos tres anos, 31,1 céntimos/litro no último mes no que temos datos e que están a medrar, tamén, os seus valores de graxa e proteína, como reflicten as cifras do último exercicio.

Ángeles Vázquez puxo en relación estes datos co pasado, no que, dixo, o sector “viviu momentos complicados” e advertiu que hoxe en día o lácteo da nosa comunidade se consolida como líder nacional, producindo preto do 40% do total español, concentrando o 56% dos gandeiros do Estado e xerando uns 1.000 millóns de euros anuais en volume de negocio. A titular de Medio Rural salientou estes e outros datos na entrega dos galardóns Exceleite, que hoxe premian o labor das 20 mellores explotacións leiteiras galegas no ámbito hixiénico-sanitario.

Estes novos premios, promovidos pola Xunta en colaboración co Laboratorio Interprofesional Galego de Análise do Leite (Ligal), representan segundo a conselleira un “recoñecemento ao bo facer dos nosos gandeiros, que se erguen todos os días coa firme convicción da procura da excelencia na produción do seu leite”. Por iso, engadiu, “son un exemplo a seguir, para darnos conta de que desde o noso agro podemos xerar produtos non só de calidade, senón tamén dunhas características organolépticas inigualables”.

Preto de 5.000 granxas galegas podían optar a estes premios, todas as que están inscritas no Rexistro de Explotacións Leiteiras de Calidade Diferenciada (Recaldi) e que, polo tanto, están en disposición de usar o distintivo de calidade Galega 100%. Delas seleccionáronse, con criterios técnicos, as 50 explotacións finalistas e posteriormente os 20 recoñecementos entregados hoxe nun acto celebrado no pazo de Cores, no concello coruñés da Baña.

Profesionais do Ligal e da consellería

A titular de Medio Rural fixo unha mención especial aos profesionais do Ligal e aos veterinarios e técnicos da consellería, que traballaron na selección das granxas galardoadas. O seu traballo, sinalou, “é fundamental para deixar de pensar na excelencia como unha característica afastada que os gandeiros pretendían acadar para pasar a ser unha realidade palpable e comprobable”.

Por último e de cara ao futuro, a conselleira apostou por “seguir mellorando no marco do diálogo e a cooperación entre produtores e industria, coa axuda da administración autonómica”. Só así, rematou, “conseguimos e conseguiremos facer do lácteo un sector sustentable e atractivo de cara á incorporación de persoas novas”.

Gabinete de Comunicación da Xunta de Galicia, 2017-11-10

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania