Notas de prensa

O BNG propón constituír unha ponencia para superar o actual marco autonómico

O Grupo parlamentario rexistrou unha proposición non de lei co fin de iniciar o debate na Cámara galega para cambiar o actual status político de Galiza e a aumentar o autogoberno. Pontón afirmou que existen problemas estruturais que “o actual marco autonómico non é capaz de resolver” como "“a crise demográfica, despoboación, máis desigualdades, deterioro no territorio, lingua e cultura".

O grupo parlamentario do BNG rexistrou unha proposición non de lei para a creación dunha ponencia na Cámara galega que abra o debate sobre a necesidade de avanzar no actual marco autonómico e dotar a Galiza de poder de decisión e máis autogoberno.

Tralo rexistro da iniciativa, a portavoz nacional e parlamentaria do BNG, Ana Pontón afirmou que existen problemas estruturais que “o actual marco autonómico non é capaz de resolver” entre os que citou: “a crise demográfica, despoboación, máis desigualdades, deterioro no territorio e a nosa lingua e cultura nunha situación moi preocupante”, que fai máis necesario que nunca un debate sobre un modelo que, a todas luces, impide que Galiza poder desenvolverse en todos os ámbitos.

Neste sentido, a proposición non de lei do BNG vai na senda do debate que se está a producir no Estado sobre a reforma constitucional e nese marco, explicou Pontón, “Galiza non pode quedar como mera espectadora”, agardando polas decisións de Madrid. Os galegos e galegas temos que contar cunha proposta para saber que poder político necesitamos para poder enfrontarnos aos actuais problemas e darlle “un xiro ao país”.

Resulta evidente, recalcou a portavoz parlamentaria, que a ponencia que propón o BNG precisa tempo e diálogo e sobre todo “escoitando á sociedade e o resto de propostas das outras forzas políticas” e debe partir da realidade, por que “somos un pobo, somos unha nación e aspiramos a contar con ferramentas para solucionar os problemas en Galiza”.

Temos unha autonomía “moi débil e neste momento dinamitada polo proceso de recentralización no Estado”. A nosa proposta, enfatizou, é ambiciosa para pensar a Galiza no futuro e sobre todo, para acadar un novo marco político que abra espazos con capacidade de decisión real, que blinde os dereitos sociais e que nos permita decidir sobre a nosa economía, a nosa lingua e decidir como galegos e galegas que futuro queremos ter”.

É preciso cambiar “unha dinámica socioeconómica” imposta que o único ao que nos levou foi a unha poboación máis envellecida, con menos xente e a unha Galiza sen poder desenvolver todas as súas potencialidades. Dende o BNG temos claro que na actual concepción política, “Galiza non existe e as decisións políticas se toman en Madrid para defender os intereses das grandes elites económicas do centro que van contra os intereses de todos os galegos e galegas, concluíu.

Gabinete de Comunicación do BNG, 2017-09-04

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania