Notas de prensa

O BNG lanza a campaña de celebración do Día da Patria Galega co lema Galiza, a nación que compartimos

Xavier Campos: “Propoñemos un novo proxecto de país inclusivo e beneficioso para a grande maioría social, nacionalista ou non nacionalista”. Quere converter o 25X nunha gran mobilización social en contra da discriminación do Estado coa sociedade galega.

O BNG presentou a campaña de celebración do Día da Patria baixo o lema Galiza, a nación que compartimos para simbolizar a aposta por un novo país, inclusivo e beneficioso para todos e todas: “Creemos que é o momento desde o nacionalismo de propoñer un novo proxecto de país inclusivo e beneficioso para as grandes maiorías, para os que son nacionalistas e para os que non, para o conxunto da sociedade”, sintetizou na presentación o coordinador de Comunicación, Xavier Campos.

Esta idea está presente no traballo político do Bloque ao longo dos últimos meses, -plasmado nas propostas de país “formuladas con altura de miras para concitar consensos”-, e está presente tamén no lema e na representación visual da cartelería, cunha suma de mans estendidas e unidas a favor dun país novo.

“O 25 de Xullo é a festa de todos os galegos e galegas, nesta nación que compartimos”, recalca Campos.

Xunto con esta mensaxe de inclusión, o BNG tamén ten como gran obxectivo converter a celebración do Día da Patria nunha “gran mobilización social que una aos galegos e as galegas en contra da discriminación e do agravio que padece o país e en defensa dos nosos intereses”, indicou o responsable de comunicación.

Un agravio que se plasma nunha ofensiva sen precedentes contra os intereses dos e das galegas, como o veto á transferencia da AP9, un financiamento discriminatorio, a negativa a sacar adiante unha tarifa eléctrica propia ou o recortazo de 442 millóns de euros nos orzamentos do Estado.

O BNG aposta por unha mobilización na que a cidadanía “asuma o protagonismo” nun momento no que o Goberno galego “está desaparecido e cun Feijóo cómplice necesario da discriminación”, alega Campos.

“O 25X queremos dar voz a todas as loitas sociais que se están a dar neste momento, porque estamos nun punto de inflexión na loita polos nosos dereitos como traballadores e traballadoras e tamén como pobo”, salientaba a coordinadora de Movementos Sociais, Susana Camba, tras citar ás mobilización do 112, Ferroatlantica, do sector do metal, do transporte ou do ensino público.

“Pretendemos que se mobilice toda a sociedade, desde abaixo, e para iso estamos traballando con todos os colectivos, asociacións e con todas aquelas persoas que senten este país”, concluía Camba.

Banda sonora de Mini e Caxade

O BNG, como elemento novidoso e de complicidade coa cultura do país, proponse o obxectivo de lanza un tema musical a modo de banda sonora do Día da Patria, que nesta primeira edición ten como artistas protagonistas aos músicos Caxade e Mini, nunha proposta que leva por título Estamos todas canda a ti. “Unen talento, calidade, traxectoria e contemporaneidade”, definiu Campos. O vídeo lanzarase nas redes sociais do Bloque nos próximos días.

Gabinete de Comunicación da Xunta de Galicia, 2017-07-07

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania