Notas de prensa

O cine taiwanés de artes marciais pon fin á temporada do Centro Galego CGAI

A filmoteca galega pecha a programación co ciclo ‘Taiwán na pantalla: dragóns voadores, espadas errantes, King Hu e outros mestres do cine Wuxia’. O especial recolle algúns dos fitos deste xénero, que influíu en clásicos modernos como ‘Tigre y dragón’ ou ‘Hero’ e que é o favorito de directores de Hollywood como Tarantino.

O Centro Galego de Artes da Imaxe (CGAI-Filmoteca de Galicia) inicia o martes 20 de xuño o último ciclo da súa temporada 2016-2017. O programa ‘Taiwán na pantalla: dragóns voadores, espadas errantes, King Hu e outros mestres do cine Wuxia’, organizado en colaboración coa embaixada de Taiwán e o Círculo de Bellas Artes, trae á Coruña os grandes referentes deste xénero.

Traducido literalmente como “cabaleiros das artes marciais”, o wuxia revolucionou o cine de acción coas súas traballadas coreografías e unha montaxe innovadora que se deixa sentir en moitos directores do Hollywood actual, como Quentin Tarantino. Mais este xénero ambientado en épocas medievais destaca tamén pola súa vertente espiritual e poética, propia da tradición taiwanesa na que se inscribe. Estes ecos chegan ata os nosos días, influíndo en clásicos modernos como Tigre y dragón ou Hero, dous dos títulos que máis internacionalizaron o wuxia.

As grandes fitas do xénero wuxia

Precisamente a súa popularización trouxo consigo a recuperación do grande mestre do xénero, King Hu, que asinou o que está considerado o cumio do wuxia, A Touch of Zen. Esta e outras películas do mesmo período, a cabalo entre os anos sesenta e setenta, poderán verse desde mañá no CGAI, todas elas en copias dixitais restauradas.

O ciclo ábrese con outro filme destacado de Hu, La posada del dragón. Nesta dá forza ao manexo da espada no xénero, ao tomar emprestadas tradicións da Ópera de Beixín e coreografar o filme atendendo aos ritmos percusivos tradicionais en escena. Este título foi merecedor dunha homenaxe por parte de Tsai Ming-liang na emotiva Goodbye Dragon Inn.

Continúa o programa o mércores 21 de xuño con El maestro de la espada, de Joseph Kuo. Éxito de recadación, está considerada unha das fitas máis representativas do wuxia, tanto pola súa emocionante coreografía de acción que mestura a Escola do Norte das artes marciais chinesas co bushido xaponés, como pola carga filosófica contida nos conflitos emocionais do seu protagonista.

O venres 23 hai sesión dupla con A City Called Dragon e La dama de hierro, ambas as dúas bos exemplos das tramas de infiltración tan habituais no xénero e con personaxes femininos fortes. A presenza de mulleres guerreiras que levan o peso da narración é outra das características deste cine, que elevou á categoría de estrelas en China actrices como Hsu Feng, quen debuta precisamente en A City Called Dragon.

O mestre King Hu

O próximo martes 27 ten lugar a proxección máis agardada do ciclo, A Touch of Zen, de King Hu. Aquí Hsu Feng encarna unha fuxitiva en caza pola cruzada da súa familia contra a corrupción da corte do emperador. Ao redor dela o filme desprega unha multitude de personaxes que se involucran na súa loita e que constrúen así un conflito metafísico entre o mundano e o virtuoso. A Touch of Zen serviu como modelo a Tigre y dragón, unha débeda que o seu director Ang Lee recoñece ao incluír unha homenaxe no seu filme á famosa pelexa no bosque de bambú.

O ciclo remata con The Fly Dragon Mountain (mércores 28) e The Grand Passion (venres 30) para completar este repaso ás mellores fitas dun xénero que segue a ser practicado de maneira habitual, con variacións, en boa parte de Asia. Completar con éxito un wuxia é unha tarefa case obrigada para todo realizador e un reto que autores como Hou Hsiao-hsien (La asesina), Wong Kar-wai (Ashes of Time Redux) ou Zhang Yimou (La casa de las dagas voladoras) asumiron buscando prestixio. King Hu e os seus coetáneos foron os iniciadores desta forte tradición.

Gabinete de Comunicación da Xunta de Galicia, 2017-06-19

Actualidad

Foto del resto de noticias (quirofano_ok_amtega.jpg) La portavoz nacional del BNG, Ana Pontón, ha avanzado que su formación promoverá un "frente político y social" contra la reforma de la ley gallega de salud aprobada por el Consello de la Xunta al considerar que supone una "bomba de relojería" contra la sanidad pública. Ana Pontón denuncia que la reforma planteada consolida los recortes y la privatización. Para o Bloque, o PP “legaliza” que non se podan prestar servizos sanitarios por alegando falta de medios primando os criterios económicos.
Foto de la tercera plana (cela_con_pipa.jpg) El conselleiro de Cultura y Educación, el presidente del organismo provincial y más el hijo del autor se reunieron para profundizar en la colaboración iniciada en el 2016 con motivo del centenario del nacimiento del escritor. Se acordó implicar en el proyecto al Instituto Cervantes, comenzar a trabajar en la creación de una marca de este itinerario y dejar abierto el acuerdo la cualquier institución o agente relacionado.

Notas

O conselleiro de Economía, Emprego e Industria, Francisco Conde, visitou as instalacións de Navantia na ría de Ferrol e comprobou o avance nos traballos de fabricación dos 42 jackets e salienta que se trata dun proxecto cun investimento de 150 millóns de euros e cunha carga de traballo dun millón de horas. Incide na necesidade de que haxa unión e diálogo entre Administración, sector naval e empresas auxiliares.
O 19 de decembro de 1981 constituíase no pazo de Xelmírez o Parlamento de Galicia. Formaban parte desta primeira lexislatura 71 deputados, entre eles o escritor e académico Carlos Casares. A piques de se cumpriren os 36 anos daquela data, a Cámara autonómica acolleu a presentación dun libro que recolle unha escolma das súas intervencións como parlamentario galego.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania