sábado, 18 de mayo de 2024
Para conmemorar o Mes das Letras Galegas, a Facultade de FiloloxÃa da USC organiza a II edición das Lecturas poéticas en Fonseca que nesta ocasión renderán homenaxe ao poeta falecido hai menos dun ano Fran Cortegoso, que foi estudante de FiloloxÃa Galega. Con este evento dáselle asà mesmo continuidade ás lecturas organizadas o curso pasado como froito dunha colaboración entre a facultade e CampUSCulturae.
As ‘Lecturas poéticas en Fonseca’, que teñen lugar o mércores 10 de maio ás 19.00 horas na Biblioteca América nun acto público ata completar aforo, naceron coa vontade de consolidar a comunidade de escritores e lectores vinculados á universidade. Nesta edición contará coa presenza de voces recoñecidas da literatura galega contemporánea, que lerán poemas propios e do poeta homenaxeado.
AsÃ, participarán Teresa Moure e Carlos Quiroga, profesores da Facultade de FiloloxÃa, aos que se sumarán as voces emerxentes de Laura Camino e Gisella Costas, ambas galardoadas no Certame Mazarelos, ou José Carlos Cómitre, membro do persoal de administración e servizos do centro e destacado representante da vizosa tradición da poesÃa andaluza.
Recitarán asemade dous poetas moi vinculados a Fran Cortegoso: a poeta Olalla Cociña, que obtivo o prestixioso premio de poesÃa Afundación na súa última edición, e Antón Lopo, novelista e editor do derradeiro libro de Fran Cortegoso. Ao final do acto, a cantante Alba MarÃa RodrÃguez dialogará musicalmente cos versos do poeta.
O recital emitirase en directo por USC TV que, de ser necesario, fará unha proxección audiovisual no claustro de Fonseca.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, o que supón un incremento de case un 3% respecto ao ano anterior. Estes datos enmárcanse no traballo conxunto desenvolvido nos últimos anos pola Xunta e Ecoembes (organización sen ánimo de lucro que coordina a reciclaxe dos envases domésticos en todo o paÃs) para mellorar o depósito, recollida e posterior recuperación deste tipo de residuos no conxunto da comunidade galega. Segundo os datos correspondentes ao ano 2023, en Galicia recuperáronse un total de 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de latas e outros envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
