Notas de prensa

Feijóo marca o calendario para os orzamentos que prevé aprobar o 1 de decembro

“Seguimos consolidando a operatividade dun Goberno estable, viable e previsible, que é o que os galegos quixeron”, indica o presidente da Xunta. O Proxecto de lei de teito de gasto, requisito previo, será aprobado na primeira xuntanza do novo Goberno. A reforma da Lei de estabilidade aprobada polos grupos do Congreso dos Deputados sitúa o límite de déficit para as CC.AA. no 0,5%.

O presidente da Xunta en funcións, Alberto Núñez Feijóo, marcou o calendario para a aprobación dos Orzamentos autonómicos de 2017, con dous grandes fitos: na primeira xuntanza do novo Goberno, aprobar o Proxecto de lei de teito de gasto, e no Consello do 1 de decembro, previsiblemente, dar o visto e prace ao Proxecto de lei de orzamentos, para que poida comezar a tramitarse na Cámara o antes posible.

“Seguimos consolidando a operatividade dun Goberno estable, viable e previsible, que é o que os galegos quixeron”, indicou Feijóo. Non obstante, a inestabilidade no panorama político nacional impediu que as comunidades puidesen cumprir cos tempos estipulados e fixo que, por primeira vez, a Xunta non puidese aprobar en prazo o teito de gasto.

O Goberno autonómico en funcións foi adiantando traballo, pois leva semanas traballando nun borrador dos Presupostos e a principios de setembro aprobou un teito de gasto provisional para o próximo ano. O presidente lembrou que naquel Consello tamén se pediu un acordo dos grupos políticos do Congreso dos Deputados para deixar gobernar ás comunidades autónomas.

Ese acordo produciuse: vén de aprobarse unha reforma da Lei de estabilidade que permite que as comunidades coñezan xa o límite de déficit para 2016, que se situará no 0,5%. Deste modo, vai ser posible “que o Goberno saínte lle entregue ao que vai tomar posesión uns orzamentos practicamente finalizados”, indicou Feijóo.

Os Orzamentos seguirán a senda trazada no Plan Estratéxico ata 2020, guía da economía galega, aínda que poderá ser actualizado en función das previsións económicas. Este documento incluirá os seguintes indicadores macroeconómicos: o PIB, que se prevé que medre un 2,3% en 2017, igual ca a media nacional (menos que en 2016, principalmente polo efecto do Brexit), e a taxa de paro, para a que se calcula unha baixada interanual de case dous puntos, que situaría a Galicia no 15,6%, 2,2 puntos por debaixo da estimación para o conxunto de España.

Feijóo avanzou que lle pedirá ao Parlamento autonómico que tome como prioridade a tramitación dos Orzamentos de 2017. Con este calendario, concluíu, cúmprese o mandato das urnas: estabilidade, unha axenda económica que favoreza o crecemento e a creación de emprego e traballo para seguir trasladando os beneficios da recuperación ao conxunto da poboación.

Gabinete de Comunicación da Xunta de Galicia, 2016-10-27

Actualidad

Foto del resto de noticias (meteogalicia.jpg) Galicia acaba de despedir una primavera muy lluviosa en la que se registraron un 78% más de precipitaciones de lo habitual para esta época del año. Las lluvias de los últimos tres meses y en especial, las que se recogieron en el mes de marzo, convirtieron la estación en la más lluviosa que se vivió en la comunidad desde el año 1961. La directora general de Calidad Ambiental y Cambio Climático, María Cruz Ferreira, hizo un avance esta mañana del informe de Meteogalicia sobre la pasada primavera, en el que se atribuye esta situación a las lluvias de abril y especialmente a las de marzo.
Foto de la tercera plana (sondeseu.jpg) El Gaiás festeja el Día de la Música con un concierto al aire libre de SondeSeu, la única orquesta gallega de folk contemporáneo y una de las primeras de Europa. Casi medio centenar de músicos se subirán al escenario de la Plaza Central del Gaiás a las 21 horas del 22 de junio para presentar, por vez primera en Galicia, su espectáculo 'Arraianos'. Será en un concierto con entrada libre y gratuita organizado por la Fundación Ciudad de la Cultura con la colaboración de la Agadic. 'Arraianos' conforma una explosión de fuerza y energía interpretativa asentada en la contundencia del sonido propio de SondeSeu.

Notas

Santiago volverá a vestir sus mejores galas en los escenarios históricos y monumentales que se reparten por la capital de Galicia para acoger, por octavo año consecutivo, el Festival Peregrinos Musicales. Al Teatro Principal, la Catedral de Santiago y el Auditorio de Galicia se añaden este año el Salón Teatro, el Paraninfo de la USC y el Auditorio de Sanxenxo.
A Concellería de Xuventude de Ourense vén de presentar, no salón de plenos municipal, un evento que pode cambiar o curso da historia: trátase do Survival Zombie, un xogo aberto a toda a mocidade (a partir de 10 anos) de Ourense no que haberá que procurar o antídoto contra unha praga de mortos viventes. Na organización haberá máis dun cento de persoas, e cóntase coa complicidade do Campus de Ourense de rugbi e dos Olimpo e Uro, de airsoft.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania