Noticias sociedad
A conselleira de Política Social e Igualdade, Fabiola García, denunciou que o Goberno central vén de recortarlle a Galicia os fondos para a atención a menores migrantes non acompañados nun 82% con respecto ao ano anterior. Así o puxo de manifesto durante a Conferencia sectorial de Infancia e Adolescencia, na que se acordou o reparto de fondos entre as diferentes comunidades. Fabiola García, que estivo acompañada polo director de Familia, Infancia e Dinamización Demográfica, Jacobo Rey, explicou que Galicia recibirá neste 2026 un total de 740.000 euros, unha cantidade que cualificou de 'totalmente insuficiente para afrontar esta materia'.
O Atlantic Fest celebra este verán a súa décima edición consolidado como unha das citas musicais imprescindibles. Do 17 ao 19 de xullo, a praia da Concha de Vilagarcía de Arousa volverá acoller un festival que combina música, paisaxe, gastronomía e identidade propia, converténdose nun dos grandes atractivos culturais e turísticos das Rías Baixas durante a tempada estival. A décima edición do Atlantic Fest presenta unha programación que combina grandes nomes internacionais, referentes do panorama estatal e unha destacada presenza de artistas galegos. Entre as actuacións internacionais sobresae a presenza de Franz Ferdinand, nunha das súas poucas actuacións deste verán e única en Galicia.
O 60,66% dos 877 ciclos de Formación Profesional de réxime ordinario para o próximo curso en Galicia complétanse na primeira adxudicación de prazas pechada pola Consellería de Educación, Ciencia, Universidades e FP, e que dá dereito a matrícula. Segundo os datos recabados, un total de 57.118 persoas presentaron solicitude para cursar algunha modalidade de Formación Profesional, o que representa un incremento de preto do 2% (1.069 solicitudes máis) con respecto ao curso 2025-26, o que confirma, un ano máis, o interese que espertan estas ensinanzas entre os cidadáns en Galicia. O maior número de solicitudes rexístranse nos ciclos superiores da modalidade ordinaria, con 15.893 solicitudes, 643 máis (un 4,22% de incremento) que o curso pasado.
O Plan de prevención e defensa contra os incendios forestais de Galicia (Pladiga 2026) afronta a súa vindeira campaña coa maior dotación económica da súa historia, alcanzando un total de 213 millóns de euros (un 18 % máis que o ano anterior). Non obstante, alén do esforzo orzamentario en persoal e infraestruturas, o deseño estratéxico para este ano destaca pola integración de tecnoloxía de vangarda e ferramentas de participación cidadá dirixidas a optimizar a detección temperá e a capacidade de resposta operativa no monte.
O presidente da Xunta, Alfonso Rueda, avanzou que Galicia será a Capital iberoamericana da gastronomía saudable entre este ano e 2027, o que servirá para potenciar a cociña galega como un dos piares da actividade turística, da proxección exterior e da identidade propia da comunidade autónoma. O titular do executivo autonómico asinou un convenio de colaboración neste sentido co presidente da Academia Iberoamericana de Gastronomía, Rafael Ansón. Durante o tempo que dure a capitalidade, organizaranse diversos tipos de actividades como campañas de difusión, elaboraranse materiais como recetarios ou revistas, así como tamén se celebrarán concursos e congresos.
A Xunta de Galicia estendeu a alerta vermella por altas temperaturas a 138 concellos galegos, afectando principalmente ás provincias de Ourense e Pontevedra, ademais de puntos das de Lugo e A Coruña. Esta medida excepcional busca concienciar á poboación e activar os protocolos de prevención ante o risco para a saúde, especialmente para grupos vulnerables como maiores, nenos e persoas con patoloxías crónicas. O goberno galego fai un chamamento á cidadanía para seguir as recomendacións de hidratación, evitar a exposición ao sol nas horas centrais do día e tomar precaucións para mitigar os efectos da vaga de calor.
Este xoves 2 de xullo comeza con Carlangas unha nova edición de Atardecer no Gaiás, o ciclo de concertos gratuítos ao aire libre organizados na Cidade da Cultura. O ex-líder e vocalista de Novedades Carminha chega a Santiago para presentar o seu terceiro traballo en solitario, Universo Paralelo, un disco no que recupera as guitarras e o seu son máis rockeiro e no que destacan as colaboración con artistas como Leiva e Dear Joanne. A actuación adiántase ás 20,00 horas por decisión do propio Carlangas, que aspira a reunir na cidade onde medrou o maior número de fans posible. O acceso ao concerto é libre e de balde e poderá empregarse a liña 9 do autobús urbano para subir e baixar á Cidade da Cultura.
Os últimos datos demográficos do Instituto Galego de Estatística (IGE) correspondentes ao ano 2025 revelan un cambio de tendencia na natalidade en Galicia. Deste xeito, os nacementos medran por primeira vez en 17 anos, rexistrándose o ano pasado 13.556, un 1,54% máis que en 2024. Estes datos apuntan á estabilización dos nacementos e constatan que Galicia está conseguindo reverter as proxeccións demográficas catastróficas de hai unha década, con 157.000 galegos máis dos previstos polo INE.
Tras varias xornadas de temperaturas sufocantes que obrigaron a activar o protocolo de niveis vermello e laranxa en múltiples comarcas do interior e da costa, o Goberno galego deu por concluído oficialmente o episodio de calor intensa en todo o territorio. Segundo os últimos informes cruzados de MeteoSalud e Meteogalicia, os termómetros regresan a valores habituais para a época estival, polo que nestes momentos ningunha zona de Galicia permanece baixo avisos de alerta sanitaria ou restricións de actividades ao aire libre.
A Xunta de Galicia vén de remitir ás organizacións sindicais a proposta para adiantar a 2028 a redución de ratios na etapa de Secundaria, que será abordada na Mesa Sectorial Docente que terá lugar o vindeiro día 30. A documentación elevada pola Consellería de Educación, Ciencia, Universidades e FP recolle que a partir de setembro de 2028 implantarase a redución de ratios ata 25 alumnos por aula na ESO fronte aos 30 vixentes no conxunto de España. Esta diminución arrancará para 1º curso de ESO e irá implementándose ano a ano e curso a curso. Unha vez completada toda a etapa de ESO, arrancará a redución a 30 alumnos por aula en Bacharelato, fronte aos 35 a nivel estatal, aínda que en Galicia xa está a 33.
Un total de 48 novas iniciativas empresariais darán a coñecer os seus produtos e servizos na décimo terceira edición do Pont-Up Store, o encontro do emprendemento promovido pola Universidade de Vigo e organizado pola Asociación para a Innovación e o Emprendemento Pont-Up Store, co Concello de Pontevedra como patrocinador principal e o apoio da Deputación de Pontevedra, Xunta de Galicia, Zona Franca, Abanca e outra serie de entidades.
A Vicerreitoría do campus de Ourense convoca a oitava edición dos Premios de Investigación, Transferencia e Divulgación Científica do Campus Auga. O seu obxectivo é recoñecer e estimular o esforzo de persoal docente e investigador e de alumnado no desenvolvemento das diferentes liñas de especialización sobre as que traballa o Campus Auga.
O Campus Industrial de Ferrol acolle ata o próximo mércores 8 de xullo o Campus Tecnolóxico Interuniversitario 'Compartindo o Norte 2026', unha experiencia formativa e inclusiva dirixida a mozos e mozas de entre 18 e 35 anos con discapacidade intelectual, do desenvolvemento e/ou do espectro autista. É a primeira vez que a cidade departamental acolle unha iniciativa destas características, organizada pola Universidade da Coruña (UDC) e a Universidad de Cantabria (UC).
O campus de Ourense acolle desde ata o día 2 de xullo a celebración do VII Seminario Internacional sobre Democracia, Cidadanía e Estado de Dereito. A cita, que ten como temática Gobernanza, cidadanía e estado democrático de dereito, é froito da cooperación do profesorado da UVigo, das universidades brasileiras Estadual de Londrina e Federal Fluminense de Río de Janeiro e do Instituto Gilvan Hansen.
'Profundamente honrada de ser a primeira reitora desta universidade', cun 'compromiso claro co sistema universitario galego e co país ao que servimos' e 'coa determinación de facer da Universidade de Vigo unha institución excelente, moderna, igualitaria e de alta calidade da que todas e todos nos sintamos orgullosos'. Así asume, nas súas propias verbas, Carmen García Mateo o cargo de reitora da UVigo.
No verán de 2022, unha tormenta eléctrica seca desencadeou na Serra do Courel (Lugo) o maior incendio forestal rexistrado oficialmente ata esa data en Galicia: 12.768 hectáreas afectadas en apenas dúas semanas. Agora, un equipo de investigadores da USC e a Misión Biolóxica de Galicia (MBG-CSIC) acaba de publicar na revista internacional Fire Ecology un estudo científico que analiza como responderon as comunidades de aves a ese megaincendio durante a primeira tempada de cría posterior, unha fiestra ecolóxica crítica para avaliar a súa recuperación.
A Deputación da Coruña entregou no Coruña Estudio Inmersivo (CEI), na Cidade das TIC, os Premios do Plan de Emprego Local (PEL) 2026, os galardóns cos que a institución provincial recoñece cada ano o talento, a innovación, a capacidade de xerar emprego e o compromiso co territorio das empresas, autónomos e iniciativas emprendedoras da provincia.
O vicerreitor de Coordinación do Campus de Lugo, Roberto Bande, e a directora do Campus Terra, Marta Miranda, inauguraron este xoves 18, no edifico Cactus do Campus de Lugo, unha nova edición do Foro empresarial GaliciaAsia que xirou na súa primeira xornada arredor do ecosistema da saúde. Alimentación e lonxevidade, así como as posibilidades da robótica asistencial, foron outros dos aspectos abordados na reunión.
O próximo martes, día 16, ás 13:30 horas, terá lugar a presentación na EASD Ramón Falcón do I Concurso de Fotografía Xuvenil organizado polo Colectivo Ruando, en colaboración coa Escola de Arte e Superior de Deseño de Lugo. Esta iniciativa está dirixida á mocidade lucense de entre 12 e 22 anos e ten como obxectivo promover a práctica da fotografía de rúa tanto na cidade de Lugo como no conxunto da provincia, fomentando a creatividade, a observación da contorna e a participación cultural da xuventude.
O próximo 12 de agosto a Península Ibérica vivirá un dos eventos astronómicos máis importantes do século: unha eclipse total de Sol. Pola súa posición xeográfica, a súa climatoloxía e a súa contorna histórica-monumental, a cidade de Lugo foi sinalada como un dos mellores destinos de toda Europa para contemplar este fenómeno na súa máxima plenitude.
