Buscador
Noticias
Esta iniciativa, encadrada na área de formación do Consorcio Audiovisual, en concreto como unha extensión singular do seu programa Audiovisual nas Aulas, celébrase na Facultade de Ciencias Sociais e da Comunicación de Pontevedra.
O Parlamento de Galicia reúne aos ex presidentes da Cámara galega e da Xunta de Galicia na sesión solemne conmemorativa do 30º aniversario desta institución. A presidenta Pilar Rojo pide "afianzar a súa dimensión de servizo público" e "actualizalo".
O Centro Coreográfico deseña e interpreta unha das pezas de A Sinfonía das Fábulas para o concerto de Nadal da Banda de Silleda. A coreografía está inspirada na fábula de Esopo A lebre e a tartaruga, unha composición para banda de música asinada pola estadounidense Julie Giroux.
A Secretaría Xeral para o Deporte fixo pública a lista dos galardoados cos Premios Deporte Galego 2011 que se entregan o 27 de decembro en Ferrol. O triatleta Javier Gómez Noya, a futbolista Verónica Boquete, o adestrador do Obradoiro Moncho Fernánde e o xornalista Fernando Hidalgo, entre os premiados.
As pezas que se poden contemplar no MUPEGA son recordos do traballo infantil das xeracións anteriores, que reflicten o seu esmero diante do rigoroso exame da inspección educativa do que eran obxecto. Ofrece, tamén, un repaso pola historia da educación en España desde dentro.
O Congreso Lois Pereiro, organizado pola Real Academia Galega, conta coa participación de grandes escritores e expertos en literatura galega para analizar a obra e a vida do poeta monfortino no que será "un punto e aparte nos actos de homenaxe das Letras Galegas 2011".
A Xunta de Galicia, a través da Consellería de Presidencia, destaca o valor do escudo, a bandeira e o Himno de Galicia como elementos de unión e de identificación dos galegos, durante a conmemoración do 30º aniversario dos símbolos de Galicia logo da aprobación do Estatuto de Autonomía de Galicia en 1981.
O primeiro Dicionario Xurídico Galego é unha obra monumental coa que a nosa lingua acode a unha nova cita coa historia, afirmou o conselleiro de Educación Xesús Vázquez que presentou esta obra promovida por Política Lingüística e a Revista Xurídica Galega.
Con 750 atletas inscritos, a 12ª edición Cross Megaxove superou tamén a cifra histórica de participantes. Megaxove pecha as súas portas tras catro días de actividade. Expourense agradece a implicación e o esforzo da trintena de federacións e asociacións que fixeron posible esta edición.
O novo dramaturgo Marcos Abalde gaña o XX Premio Álvaro Cunqueiro coa súa aposta polo teatro poético en A cegueira. Paula Carballeira, coa obra O refugallo obtivo o VI Manuel María de literatura dramática infantil, do que xa fora a súa primeira gañadora en 2006. Agadic anunciou, así, os nomes dos autores recoñecidos na edición 2011 dos galardóns de literatura dramática.
