Bartolo tiña unha filla que se chama Lionor e un día estaba cosendo sentada no corredor. O corredor xa de vello tiña aberturas no piso e o que por baixo miraba* víalle o paraiso. Mais o demo de Saturno que alí viu a Lionor foise coma unha centella por baixo do corredor. Tapa as pernas Lionore que se non me engaño vexo por riba disa mesota* as orellas a un conexo. Leonor toda asustada quixo tapar deseguida pegou un salto pra atrase caíu de pernas pra riba. Saturno subiu pra riba pra xunto da costureira acelerado de risa por aquela escaleira. Vállate o demo Saturno quen che botara na cara un bon chorro de auga quente pra que che a vista cansara. Non te enfades Lionore porque as pernas che mirei xa sei que as tes gordiñas contigo me casarei. Pois en canto estea solteira ben seguro podes ter que as orellas ó conexo non llas has volver a ver. |
Non fagas eso, muller non teñas corazón duro anque outro día non queiras sácame hoxe deste apuro Entonzas dende aquel día foi cando entrou en calore e o lunes de carnavale casou coa Lionore. Arreglaron os papeles,** trataron o casamento, dentro de moi poucos días casáronse moi contentos. Foi aquil día da voda un gran día de placer e os dous, casados de novo, deitáronse ó escurecer. Tuveron moitos parentes** unha voda moi honrada pero os casados de novo fóronse con día a cama. Empezaron a debuxar** Saturno non decía nada, pero ela dixo tan fresca: vai o melro na niñada. Non veña tanto de presa** ven algo máis amodiño a ver se vai a ire parti-los ovos ó niño. Empezaron coa faena. Dixo a rapaza asustada: non brinques tanto Saturno que vamos rompe-la cama. Non te asustes Lionor que o demo duda que ten, a cama está ben segura brinca un pouco ti tamén. |
||||
* banco longo
** outras versións |
|||||
Recollido das coplas da cega de Sarria Lugo - ano 1977.
|