jueves, 25 de abril de 2024
A directora de Promoción de Turismo de Galicia, Carmen Pita, encabeza a representación galega que participa desde hoxe e ata o o domingo na feira JATA Travel Showcase 2018, que se celebra na capital de Xapón e na que a Comunidade galega conta cun espazo para promover a súa oferta turística entre os milleiros de persoas que visitarán este certame ao longo das súas catro xornadas.
JATA é unha feira xeral de turismo organizada pola Japan Association on Travel Agents. É un dos certames de maior tradición dentro do mercado nipón. Turismo de Galicia, dentro da súa estratexia de internacionalización, estará presente por oitavo ano consecutivo.
Antes da apertura da feira tivo lugar un workshop no que Turismo de Galicia estivo presente con citas cos operadores xaponeses interesados en incluír Galicia nos seus programas, así como de reforzar o contacto cos que xa traballan a nosa Comunidade. Por outra parte, durante a feira, a OET en Toquio organizará un encontro de traballo con operadores, medios de comunicación e profesionais do turismo, acción na que tamén estará presente Galicia.
Galicia continúa a ser un destino en alza para o turista xaponés, que aprecia de xeito especial a nosa riqueza cultural e monumental, a gastronomía, a natureza e o Camiño de Santiago. Neste ámbito, Galicia presentaralles aos operadores turísticos as posibilidades que ofrece a Comunidade para a organización de viaxes turísticas. Ademais, o público final poderá obter directamente información sobre a oferta turística da comunidade galega.
Este ano estase a rexistrar un aumento do 5,7% na demanda turística de Xapón en Galicia como consecuencia da mellora da estadía media dos viaxeiros procedentes deste país.
Noruega e Polonia
Dentro do labor de promoción do destino, Turismo de Galicia tamén organiza estes días dúas viaxes de familiarización para periodistas noruegueses e axentes de viaxes polacos.
No caso dos profesionais nórdicos, achéganse a parte da oferta enoturística galega. Na súa estadía, poderán coñecer varias adegas e a oferta complementaria que ofrecen distintos territorios acollidos ás denominacións de orixe protexidas dos viños galegos.
Por outra parte, nos vindeiros días un grupo de axentes de viaxes de Polonia visitarán a Comunidade ao obxecto de coñecer parte dos seus recursos e servizos turísticos. Así, terán a oportunidade de coñecer a oferta turística de parte das cidades galegas, a Ruta da Camelia que inclúe unha ducia pazos e os seus xardíns, o Camiño de Santiago, a oferta enogastronómica e o Parque Nacional Marítimo Terrestre das Illas Atlánticas de Galicia.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
