Notas de prensa

Exposición: Manuel Rodríguez López, no Centro Galego de Barcelona

Inaugurouse no Centro Galego de Barcelona a exposición Manuel Rodríguez López, emigrante galego-poeta obreiro, promovida por Galicia Digital e a familia do escritor, co apoio do Concello de Paradela, o Concello de Lugo, a Vicepresidencia da Deputación Provincial, a Xunta de Galicia e a Real Academia Galega (RAG).

Na emigración catalana escribíu este autor a maior parte da súa obra, sendo o cronista do Centro Galego que agora acolle a súa exposición e forxador dun vencello cultural e social entre os “Galegos en Catalunya” (así se titulan dúas das súas obras) e Galicia.

A inauguración foi presidida por Valentín García Gómez, Secretario Xeral de Política Lingüística da Xunta de Galicia, acompañado pola familia do escritor (Irene, a súa viuva, e os seus fillos Enrique e Santiago); Xavier Cortés, Responsable de relacións da Generalitat coas Casas rexionais; Manoel Carrete, Presidente do Centro Galego; Domingo Balboa, Presidente da Federación de Centros Galegos; o escritor Xosé Lois García, e Antonio Giz, Director de Galicia Digital. Ademais das intervencións dos mencionados, deuse lectura a mensaxes do Alcalde de Paradela, José Manuel Mato, e de Xesús Alonso Montero, Presidente da Real Academia Galega. O cantautor lucense afincado en Barcelona, Alfredo González Vilela interpretou temas con letra de Manuel Rodríguez López.

A exposición permanecerá en Cataluña ata finais de ano, percorrendo –despois de dúas semanas no Centro Galego- outros centros galegos daquela Comunidade. Con motivo desta exposición, o Centro Galego de Barcelona acordou nomear Socio de Honra da entidade a título póstumo a Manuel Rodríguez López, distinción que lle será entregada á súa viuva e fillos nun acto a celebrar en Lugo, na Sala Sargadelos, a comezos do mes de novembro.

Xulio Xiz (Galiciadixital.com), 2014-10-14

Actualidad

Foto del resto de noticias (as-miradas-de-isaac.jpg) O Museo Centro Gaiás da Cidade da Cultura bota a andar hoxe as visitas didácticas a través de videoconferencias para explicar e dar a coñecer a exposición As miradas de Isaac aos centros escolares. Neste intre, xa están inscritos preto de 30 colexios. No entanto, a previsión é que, a través da 70 emisións en liña programadas ata o 26 de marzo, sexan máis de 2.000 rapaces e rapazas os que poidan afondar –sen necesidade de saír da aula– na vida e proxectos dunha figura tan importante para a historia da cultura galega do século XX como foi Díaz Pardo.
Foto de la tercera plana (vivenda.jpg) O presidente do Goberno galego, Alberto Núñez Feijóo, avanzou hoxe o Pacto Social pola Vivenda 2021-2025, co obxectivo de mobilizar máis de 1.080 millóns de euros e chegar a 70.000 familias. Durante a sinatura, Feijóo aseverou que se dá así un paso adiante fundamental, consensuando as prioridades co sector e cos consumidores, dentro do Observatorio Galego de Vivenda. Estruturado en catro liñas estratéxicas e con preto de medio cento de accións que combinan medidas implantadas con 12 iniciativas novidosas, o titular da Xunta subliñou que para acadar todos os obxectivos prevese un investimento directo duns 433 millóns.

Notas

O ano pasado caracterizouse por ser un ano lixeiramente seco e dos máis cálidos das últimas décadas. Esta é a principal conclusión do balance realizado por MeteoGalicia, que no avance do seu informe anual subliña sobre todo a anomalía rexistrada no que respecta ás temperaturas, con mínimas extremadamente cálidas, e máximas e medias moi cálidas.
Profesores e investigadores de dez universidades españolas debaterán os días 26 e 27 de xaneiro, a través da plataforma virtual Teams, sobre os valores e tendencias dos medios audiovisuais de comunicación públicos europeos na actualidade. Ao longo das dúas xornadas, as persoas participantes abrirán o debate presentando o avance dos seus estudos, expoñendo temas relacionados coas tendencias, os retos, o financiamento, e o valor do servizo público europeo.
PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania