Notas de prensa

Cultura Aberta encherá de actuacións as noites dos xoves de xullo en Lugo

O vicepresidente da Deputación, o nacionalista Antón Bao, presentou a iniciativa da �rea de Cultura da Deputación que leva por nome Cultura Aberta nos Xardíns da Deputación. No acto estivo acompañado polo Mago Antón e por un dos membros do grupo lucense Kentokaaquí. Serán un total de seis veladas nas que o público lucense poderá desfrutar dos xardíns situados entre a Deputación e a muralla. Esta programación, que se levará a cabo nas noitiñas dos xoves, estenderase durante todo o mes de xullo e máis o primeiro xoves de agosto. Tódalas actuacións serán ás 20:30 horas, participarán cinco grupos musicais e, ademais dunha proxección cinematográfica, haberá espectáculos de maxia, teatro e circo.

No acto de presentación o vicepresidente da Deputación, o nacionalista Antón Bao, destacou que a �rea de Cultura contará para estas actuacións con artistas galegos, segundo Bao “non se trata de poñer cotas nin de pechar as portas a ninguén, mais á hora de programar a actividade atopámonos cunha gran cantidade de espectáculos de alta calidade pensados e feitos en Galiza por galegos e entendemos que defender á xente que traballa a prol da nosa cultura e da nosa lingua é un xeito progresivo e progresista de achegarnos, cunha identidade propia, a un futuro globalizado”.

Cultura Aberta nos Xardíns da Deputación arrincará o xoves día 3 de xullo cun concerto de música galega cos grupos A Quenlla e Xarín. A Quenlla nace no 1984 e tivo, dende a súa creación, unha especial atención á conservación da cultura popular asumindo un compromiso decidido coa sociedade e co noso país. Xarín son cinco músicos de O Incio que fan música tradicional e de autor co único obxectivo de divertirse e divertir a quenes os escoitan.

O xoves 10 de Xullo actuará no grupo Kentokaquí e sobre as 22:30 proxectarase a película galega Pradolongo nun formato de cine ao aire libre. O xoves 17 de xullo haberá un espectáculo de maxia a cargo do mago Antón. O xoves 24 de xullo, na víspera do día da Patria, a música tradicional encherá os xardíns da Deputación cos grupos Cantardaseiras e Treixadura. Para rematar o mes, o xoves 31 de xullo haberá unha actuación dun dos impulsores do movemento de contacontos galegos, o actor, director e adaptador teatral Quico Cadaval, a última das sesións desta xeira será o xoves 7 de agosto co combinado galego de Novo Circo.

COLABORACIÓN COA ASOCIACIÓN DE EMPRESARIOS DA HOSTELER�A

A programación de actuacións en Cultura Aberta nos Xardíns da Deputación tenta cubrir o baleiro de programación cultural que se da na cidade durante o verán. A través da colaboración coa Asociación de Empresarios de Hostalería da Provincia farase chegar a información a tódolos establecementos hostaleiros para que tódolos visitantes que se acheguen a Lugo nesas datas poidan disfrutar destas actividades. En todos os soportes publicitarios que se acheguen aos establecementos estará presente o slogan da asociación E para comer ..., Lugo.

UNHA APERTURA EFECTIVA DO PAZO DE SAN MARCOS E DOS SEUS XARD�NS

Segundo Antón Bao “cando chegamos a este goberno bipartito marcámonos como obxectivo abrir esta entidade á cidadanía e estamos seguros de que a cultura é o vehículo idóneo para materializar esta apertura”. Esta programación, que presentamos hoxe, complementará outros eventos nos que a �rea de Cultura e Deporte da Deputación propiciou a apertura dos espazos do Pazo de San Marcos, Antón Bao lembrou que “foron moitas persoas e colectivos que nos animaron a facer unha programación deste tipo tras o éxito das actividades impulsadas polas áreas de goberno que represento e que tiveron como escenario este espazo privilexiado”, con esta afirmación, Bao facía referencia á celebración da Festa das Letras que a área de cultura organizou co gallo do Día das Letras Galegas, a saída da segunda etapa da I Volta Ciclista ás Comarcas de Lugo que estivo patrocinada pola �rea de Deportes, e a todas as actividades realizadas por colectivos, asociacións e entidades nas dependencias do Pazo de San Marcos como conferencias, cursos, simposios, campionatos de xadrez, exposicións, etc ....