Noticias turismo
Galicia presenta o potencial turístico do norte peninsular ante os profesionais do sector turístico desta zona de Italia. Trátase dunha das accións incluídas no 30 Aniversario da España Verde na que Galicia se encargou de presentar esta marca turística como anticipo do seu papel en 2020, cando a Comunidade galega será a coordinadora da España Verde. A fortaleza turística das catro comunidades autónomas que forman parte da España Verde (País Vasco, Cantabria, Asturias e Galicia) queda patente no feito de que no que levamos de ano esta zona foi visitada por preto de 11 millóns de viaxeiros, o 10% dos viaxeiros que visitaron España este ano. A España Verde é un destino especialmente estratéxico para un mercado como o italiano, que conta con varias comunicacións aéreas nos aeroportos da zona.
Durante os nove primeiros meses do ano Galicia recibiu máis de 4,1 millóns de viaxeiros que realizaron máis de 9 millóns de pernoitas, o que supón a cifra máis elevada da serie histórica. Así se desprende dos datos publicados polo Instituto Nacional de Estatística (INE), que amosan incrementos na nosa Comunidade moi superiores aos acadados a nivel estatal. En concreto, mentres a demanda sube en toda España un 0,9%, en Galicia medra un 6,5%, 5,6 puntos máis.
Os hoteis galegos rexistraron o mellor mes de setembro da súa historia ao superar a barreira do millón de noites, un 7% máis que en 2018. Así o reflicten os datos do Instituto Nacional de Estatística (INE) publicados hoxe, que recollen, ademais, un incremento do 7,4% no número de viaxeiros con respecto ao mesmo mes do ano anterior. Estas cifras sitúan a Galicia como a Comunidade cun mellor comportamento nestes dous indicadores, mentres que a nivel estatal a demanda hoteleira descendeu de media un 0,6% e a cifra de viaxeiros mantívose estable, cun crecemento do 0,2%.
A paisaxe cultural da Ribeira Sacra segue a avanzar como candidata española á Lista do Patrimonio Mundial para o vindeiro ano 2021 coa súa remisión por parte do Ministerio de Cultura y Deporte á UNESCO o pasado mes de setembro. Previsiblemente, a candidatura da Ribeira Sacra contará cun Plan de Xestión pechado pola Consellería de Cultura e Turismo a finais de 2019, avaliarase por parte da UNESCO ao longo do 2020 e irá ao Comité do Patrimonio Mundial de 2021. Así se deu a coñecer está mañá na 86ª reunión do Consejo de Patrimonio Histórico, o máximo órgano de coordinación Patrimonial do Estado, que se celebra desde onte no Parador conquense.
O informe Dinamismo do sector hoteleiro en Galicia 2009-2019, publicado recentemente, reflicte que o número establecementos hoteleiros rexistrados na actualidade supera os 900, o que supón un incremento do 8% respecto dos 839 que había no ano 2009. En xeral, os números desprenden un balance moi positivo para o sector: O número de turistas aloxados pasou de 3,4 a case 4,2 (+23 %), e a cifra total de pernoitas case chegou aos 8,5 millóns (+13,7%). Destas, un 69% teñen lugar en hoteis. Segundo os datos do Instituto Galego de Estatística (IGE) e o Rexistro de Empresas e Actividades Turísticas de Galicia (REAT), as prazas hoteleiras en Galicia incrementáronse en 2.800, desde o ano 2009, chegando así a preto das 55.000.
A zona proposta para a declaración aglutina en total a 18 concellos de Lugo (Bóveda, Carballedo, Chantada, Folgoso do Courel, O Incio, Monforte de Lemos, Pantón, Paradela, A Pobra do Brollón, Portomarín, Quiroga, Ribas de Sil, Samos, Sarria, O Saviñao, Sober, Taboada e Triacastela) e cinco da provincia de Ourense (Castro Caldelas, Nogueira de Ramuín, Parada de Sil, A Peroxa e A Teixeira). Trátase dun territorio de excepcional valor en canto aos seus compoñentes ambientais, paisaxísticos e culturais, como demostra a súa recente declaración como Ben de Interese Cultural (BIC) por parte do Consello da Xunta. Se a candidatura da Ribeira Sacra prospera, este territorio a cabalo entre as provincias de Lugo e Ourense estaría en disposición de obter un triplo recoñecemento por parte do organismo internacional.
O vicepresidente da Xunta de Galicia, Alfonso Rueda, destaca que esta iniciativa, xurdida ao abeiro do Xacobeo 2021, mellorará os servizos que reciben os peregrinos e buscará a fidelización dos clientes, con axudas que poden chegar ata os 2.800 euros por beneficiario.
A directora de Turismo de Galicia ven de participar en Lobios no acto de clausura do Congreso internacional Termalismo 2021-2027 no marco da "Semana Termatalia", no que incidiu no apoio do Goberno galego para impulsar a competitividade dos balnearios en canto á súa capacidade aloxativa e modernización.
O Conselleiro de Cultura e Turismo, Román Rodríguez, e o Delegado territorial da Xunta na Coruña, Ovidio Rodeiro, asistiron xunto á Torre de Hércules, ao inicio da rodaxe que promove o Consorcio de Turismo da Coruña dentro do programa O TEU XACOBEO.
Julia Baird grava estes días en Ferrol, Bruma e Santiago o vídeo da canción Teu Camiñar, composta pola artista galega Cristina Rubirosa.
Segundo comentou Román Rodríguez, John Lennon proxectou facer o Camiño nos anos 70 con Salvador Dalí, o que finalmente non puido cumprir.
Que o Comite se reúna en Galicia ven de acordarse en Bruxelas, onde a candidatura galega competía coa proposta da cidade alemá de Wismar, capital de Mecklemburgo Noroccidental. Tras unha votación xeral cargada de incerteza, os membros do CdR elixiron finalmente a candidatura de Galicia, o que permitirá subliñar o carácter europeísta da nosa comunidade como etapa final do Camiño de Santiago e estreitar os vencellos no eido da Unión Europea, asentados nos valores da solidariedade e a concordia.
