Buscador
Noticias
A AAAG celebrou eleccións á Xunta Directiva na que Mabel Rivera repetirá como vicepresidenta e Iria Sobrado, como secretaria. Complétase con Santi Romay, Laura Míguez, Machi Salgado, Sheyla Fariña, Diego Freire, Marta Lado, Martín Máez, Susana Sampedro e Toni Salgado. Nieves Rodríguez formou parte de series como Rías Baixas ou Pazo de Familia e movies como Más que hermanos.
O proxecto AAMA de Francisco Ramallo gaña a V Convocatoria de Intervencións Artísticas neste espazo, convocada entre os participantes do último Encontro de Artistas Novos. O artista pretende que esta iniciativa se converta nunha ferramenta para loitar contra o esquecemento arquitectónico, á vez que nun lugar de investigación e reflexión.
O titular da Xunta incide en que, lonxe de ser un problema sectorial ou un problema territorial, o brexit é un reto colectivo que debe afrontar toda Europa. Feijóo participou na inauguración do seminario "Brexit: por que ameaza o sustento das comunidades pesqueiras de toda Europa?" e salienta que este golpe á pesca europea tamén afectaría a Galicia.
Logo de 30 anos de cinema en Santiago, o festival Cineuropa chega un ano máis á cidade e faino con algunhas novidades. Entre as destacadas, figura a selección dun Xurado Novo que comporán mozos e mozas de entre 18 e 25 anos. A organización do festival abre a convocatoria para seleccionar aos integrantes e admite candidaturas ata o 30 de outubro.
Con motivo do terceiro aniversario da apertura do Museo de Historia Natural da Universidade de Santiago de Compostela (USC), o sábado 21 de outubro ten lugar unha visita guiada de acceso libre e gratuíto para o público xeral. Nos 3 anos que leva aberto visitárono 60.000 persoas, moitas con visitas guiadas e centros de ensino en todos os niveis, especialmente primaria e secundaria.
O Colexio de Fonseca acubillará ata o 10 de decembro a mostra A intimidade da imaxe, unha produción do Consello da Cultura Galega coa que colabora a Universidade de Santiago. Trátase dunha escolma de fotografías que Anna Turbau (Barcelona, 1949) realizou en Galicia entre 1975 e 1979. Anna Turbau chegou a Galicia en 1975 para retratar unha serie de vivendas para familias xitanas construídas en Poio por César Portela e Pascuala Campos.
Hordas de escritura (Xerais, 2008) é o mellor libro de poesía da década. Así o considera o veredicto do Premio Mondoñedo 10 deste ano, que lle se entrega o domingo 22 de outubro á académica de número Chus Pato. O Premio Mondoñedo 10 foi creado en 2016 para recoñecer cada 10 anos o mellor traballo nunha modalidade creativa.
As terceiras xornadas de novas narrativas celebraranse o xoves 19 e o venres 20 de outubro no Centro de Estudos Avanzados e na Casa de Europa da USC. A finalidade é ofrecer unha visión ampla do fenómeno transmedia e das novas narrativas que xorden arredor dos conceptos clásicos de adaptación e intermedialidade.
Clases maxistrais, obradoiros, presentacións, noites gastronómicas, exposicións, e unha ducia de artistas chegados de todo o mundo. Todo iso conforma a programación do II Encontro Internacional de Cadernos de Viaxe Compostela Ilustrada, que se celebra do 9 ao 12 de novembro en Compostela. Os artistas convidados debuxarán en diferentes espazos da cidade.
Preto dun cento de equipos directivos e de orientación de numerosos centros de ensino medio de Galicia reuníronse este martes en Santiago de Compostela con responsables da USC nunha xuntanza organizada polo programa A Ponte entre o Ensino Medio e a USC, que este curso cumpre xa 14 anos.
