O
proceso de modernización
das infraestructuras que Galicia experimentou nestes últimos
dez anos, marca un antes e un despois desta década
para Galicia.
Este é un momento decisivo para a nosa Comunidade Autónoma.
Galicia penetra no século XXI, cada vez máis
orgullosa do seu, e tentando modernizarse, ao mesmo tempo que
loita por conservar o que lle é propio e definitorio
da súa esencia. Porque a clave para o futuro está en
conxugar a tradición e a modernidade.
Este
proceso de transformación pódese sintetizar
nestes aspectos:
- Construíronse
1.500 kms de novas estradas, cun investimento que se
aproxima aos 200.000 millóns de pesetas.
- Foron
construídas 100 EDAR —Estacións Depuradoras
de Augas Residuais— (en 1990 só había
dez en toda Galicia), e 50 ETAP (Estacións
de Tratamento de Augas Potables).
- Investíronse
30.000 millóns de pesetas nos 122 portos e instalacións
portuarias competencia da Xunta de Galicia (unha media de 3.000 millóns
anuais), para a mellora da pesca, o marisqueo e o turismo náutico-deportivo.
- Foron
aprobados definitivamente, ou informados favorablemente,
un total de 141 instrumentos de planeamento urbanístico
xeral (60% do planeamento xeral vixente).
- O ferrocarril
galego está a
recibir o maior investimento dos últimos
25 anos, destinado á súa modernización integral:
xa están
acordados 120.000 millóns de pesetas.
- Máis
de 120.000 familias se teñen beneficiado da política
de vivenda a través do IGVS.
- 200
empresas están
ubicadas nos terreos dos 24 parques empresariais rematados
en Galicia, nos que se levan investido 10.000 millóns
de pesetas.
|
