Opinión en Galicia

Buscador


autor opinión

Editorial

Ver todos los editoriales »

Archivo

Pechados, funciona mellor

martes, 22 de octubre de 2013
Ven de celebrarse o debate sobre o Estado da Autonomía, e non é que este debate non dera de si algo importante, é que ningún debate da de si algo importante, xa que o que se debate non é o que nos interesa a todos senón o que lles interesa, única e exclusivamente, aos políticos e aos seus grupos.

Certo que algunhas cousas das tratadas teñen o seu aquel e poden derivar en mellor funcionamento de institucións, mellor aproveitamento de beneficios, algún avance en definitiva. Pero non se entra no tema xeral, no tema que a todos afecta... o debate debía centrarse de xeito exclusivo en ver como é posible sacar a este país do pozo sen fondo do paro, da atonía da economía, da desaparición de empresas, da falta de ilusión, da inexistencia de perspectivas de futuro.

Ise é o único tema posible, e sobre iso tiñan que traballar todos os grupos políticos, e non pechar o debate ata estar totalmente de acordo na política a seguir, nos diagnósticos e nas solucións.

Cando os cardenais se xuntan para elixir un novo Papa, quedan pechados na Capela Sixtina, e non saen ata que teñan decidido a persoa que vai gobernar a Igrexa a partir dese momento. Algo así teríamos que facer aquí, sen chegar a métodos violentos ou de presión que nalgún caso se teñen utilizado: pechar aos nosos representantes políticos na correspondente cámara, e non deixalos saír ata que estiveran totalmente de acordo na política a seguir.

Seguro que, pechados, lograrían consensos que polo de agora se evidencian imposibles. E falarían do que nos interesa a nós, e non só do que lles interesa a eles mentras a nós ises temas nos deixan fríos, cando non nos excitan os ánimos.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania