Opinión en Galicia

Buscador


autor opinión

Editorial

Ver todos los editoriales »

Archivo

Todo en cuestión

viernes, 20 de septiembre de 2013
O problema empezou pola economía, para que logo digan que o diñeiro non fai a felicidade. E fai seis anos, sen que nos deramos conta, comezou a derrubarse o edificio aparentemente perfecto que tiñamos construido coa base do que nos deixaron os devanceiros, as nosas ilusións e o traballo de todos.

Certo que o cemento co que asentamos a pedra ou ladrillo non era moi axeitado, e os elementos foron esborrallando o que tan firmemente construímos: as accións ou obrigas, os aforros, os investimentos en casas ou solares, todo o que non fose diñeiro constante e soante ou metais preciosos empezou a perder o seu valor dun xeito alarmantemente acelerado.

E cando o económico se derrubou, seguiulle o social porque os empregos empezaron a desaparecer, os subsidios a decrecer ou anularse, as compras a diminuir, o entusiasmo e a ilusión a borrarse dos nosos presentes.

E dentro do social, o político xa que empezamos a descreer dos nosos representantes, as autonomías déronse en mirar para comprobar quen aportaba máis ou máis recibía, a familia real púxose en cuestión, e velaquí que a estas alturas non parece haber nada que non se cuestione, que non peligre, que non se tambalee.

Comprobamos que poderoso cabaleiro segue a ser o don diñeiro, que os bens desta terra de pouco valen se no mercado non se cotizan, que unha ducia de poderosos poden poñer nun brete a un país, e medio cento a todo o mundo.

Seis anos despois de que todo comezara, nada temos claro máis ca o noso desvalimento. Só sabemos que non valemos nada, dito sexa en termos económicos. E da economía pasamos a todo o demais.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania