Opinión en Galicia

Buscador


autor opinión

Editorial

Ver todos los editoriales »

Archivo

Coma os de Angrois!

viernes, 26 de julio de 2013
A maioría dos galegos non oíramos falar de Angrois ata a noitiña do pasado vintecatro de xullo cando pasou á historia humana de Galicia, á historia grande de Galicia, pola súa solidariedade, polo seu sacrificio, pola entrega das súas xentes.

Por un pobo pode pasar un Camiño Real, un Camiño a Compostela, ter á súa beira pezas monumentais, e ver pasar a historia á súa beira. Pero cando ese pobo se amosa tan vivo e tan sensible a todo o que a vida presenta, ese é o preciso momento en que o pobo se engrandece porque as súas xentes o fan grande, inconmensurable.

Angrois queda para a memoria colectiva de Galicia como un lugar onde vive xente que sabe sentir, que como unha sóa persoa se lanzou ás vías do tren para intentar salvar aos salvables, o salvable, sendo a única axuda posible ata que chegaron os medios humanos e técnicos dos que a sociedade se dota para casos de emerxencia.

Ata que eses medios chegaron só estiveron os de Angrois, como heroes, como as persoas que mellor souberon celebrar o día de Galicia, o día da Patria Galega...

A fatalidade quixo que o 24 de xullo fose o día tráxico de Angrois. A entrega das súas xentes fai que, desde agora, todos queiramos ser – xenerosos, entregados, valentes... - Coma os de Angrois!.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania