Anova/Bng: por fin, cordura

Por fin, un síntoma de cordura na política: Anova e o Bng xúntanse a falar e chegan a uns principios de acordo, alomenos no máis fundamental, para non ir cada quen polo seu lado cando se supón que a ideoloxía, o xeito de ver este país, é o mesmo.

Coa que está caendo non é momento de tirar cada quen polo seu lado senón de xuntarse, primeiro os que pensan de xeito semellante, e logo tentar xuntarse a todos os demais - pensen como pensen- para camiñar unidos cara a toma de postura diante dos gravísimos problemas que nos afectan.

Xuntarse todos os que se dedican á política neste país, alomenos os que teñen representación institucional, pode que parece imposible, e sexa ben difícil. Pero os que son "do mesmo sangue" non poder mirar cada un para o seu lado. Lembremos os versos de Cabanillas pola festa do patrón: "Que a unión de tódolos bos / e Lei de tan algo alento / que pra estar no sacramento / ata a ten que cumprir Dios".