Unha malformación

Abdona Currás Sánchez estaba a escoitar o tema “Óeme isto un momento”, de Víctor Mariñas, mentres remexía nos papeis que tiña sobre a mesa do despacho.

Abdona tiña unha pequena ferida nos beizos que lle malformaba estes nunha figura abondo estraña. E por isto, Abdona Currás Sánchez tamén levaba un ricto amargo na súa alma porque sabía que, así, ninguén, ou sexa, ningún home a bicaría nunca.

Ante este recordo, a muller que, por certo, non era fea, pegoulle fortemente ao teclado do ordenador que estaba tamén a manexar. Aínda que un leve sorriso asomou axiña aos seus beizos cando se puxo a escoitar a canción “Todo se transforma”, do seu admirado Jorge Drexler.

Abdona Currás Sánchez deixou caer dúas bágoas dos seus ollos; non sei se pola malformación dos beizos ou pola emoción da música. Colleu un bolígrafo e púxose a cubrir unha solicitude.