Camiño atrancado

Cando Dolores Alpina baixaba pola rúa da Igrexa de Baños de Molgas, viu a uns metros unha gran pedra que lle atrancaba o camiño. A pedra caera do muro da finca de dona Constanza Penadés, emigrada ás Américas alá polos anos vinte do século pasado, e da que nunca máis se volveu saber. Ata poida que hoxe xa non exista como persoa, ou sexa, que falecera.

A que seguía viva era Dolores Alpìna, que empezaba a suar xa porque non sabía cómo actuar; se dar a volta e baixar, logo, polo Agro, ou se intentar choutar a gran pedra caída. Pensar en movela era en por si unha quimera, xa que aquilo tiña que pesar polo menos uns douscentos quilos.

Nun arrinque de xenio, Dolores Alpina sentou no chan enrabechada e non se moveu ata que tres días máis tarde os operarios municipais sacaron a pedra coa axuda dun guindastre. Ao momento xa foi buscar auga á burga.